Prezident Ulttyq bank tóraǵasy Ǵalymjan Pirmatovty qabyldady, dep habarlaidy "Ult aqparat" Aqordanyń resmi saityna silteme jasap.
Memleket basshysyna Ulttyq banktiń 2022 jyldyń qańtar-mamyr ailarynda júzege asyrǵan aqsha-kredit saiasatynyń aldyn ala qorytyndysy jóninde esep berildi.
Qasym-Jomart Toqaevqa syrtqy jáne ishki naryqtardaǵy ahýal, infliatsiiaǵa qatysty boljam jáne onyń qarqyny, sondai-aq altyn-valiýta rezervteriniń jai-kúii týraly málimet berildi.
Ǵalymjan Pirmatov Prezidentke memlekettik baǵaly qaǵazdar naryǵy men ulttyq tólem júiesin odan ári damytý jóninde usynystaryn aitty.
Kezdesý sońynda Qasym-Jomart Toqaev aqsha-kredit saiasatyn tiimdi júzege asyrýǵa, infliatsiiany ustap turýǵa jáne qor naryǵynyń tiimdiligin arttyrýǵa baǵyttalǵan birqatar mindet júktedi.
