Reseilik «Spýtnik lait» vaktsinasyn Qazaqstanǵa jetkizý jáne shyǵarý máselesin pysyqtaý qajet. Memleket basshysy Qasym-Jomart Toqaev eldegi sanitarlyq-epidemiologiialyq ahýal jónindegi jumys keńesinde osyndai tapsyrma berdi, dep habarlaidy QazAqparat Aqordanyń Twitter-degi paraqshasyna silteme jasap.
«Taǵy bir másele osy saladaǵy jetekshi óndirýshilerdiń vaktsinalar jelisin keńeitý qajettiligimen bailanysty. Otandyq farmatsevtikalyq alańdarda reseilik jańa «Spýtnik lait» vaktsinasyn jetkizý jáne shyǵarý máselesin pysyqtaý qajet», - dedi Qasym-Jomart Toqaev.
Prezident, sondai-aq, qyrkúiekte otandyq QazVac vaktsinasyn ónerkásiptik kólemde shyǵarý josparlanǵanyn eske salyp, ony Dúniejúzilik densaýlyq saqtaý uiymynda tirkeýdi jedeldetý qajettigin aity. Bul mindet Densaýlyq saqtaý ministrligi men Syrtqy ister ministrligine júktelip otyr.
«Eki jaqty ýaǵdalastyqtar sheńberinde QazVac-ty úshinshi elder naryǵyna ilgeriletý jónindegi jumysty uiymdastyrýdyń mańyzy zor. Úkimetten osy máseleni erekshe baqylaýǵa alyp, nátijeleri týraly bir ai merzimde baiandaýdy suraimyn», - degen Prezident vaktsinatsiia máselesinde otandyq biznestiń qoldaýy óte mańyzdy ekenin atady.
«Óitkeni, ujymdyq immýnitetke qol jetkizbesek, biznes úshin mańyzdy sanitarlyq shekteýlerdi tolyǵymen alyp tastaý múmkin emes», - dedi memleket basshysy.
