رەسەيلٸك «سپۋتنيك لايت» ۆاكتسيناسىن قازاقستانعا جەتكٸزۋ جەنە شىعارۋ مەسەلەسٸن پىسىقتاۋ قاجەت. مەملەكەت باسشىسى قاسىم-جومارت توقاەۆ ەلدەگٸ سانيتارلىق-ەپيدەميولوگييالىق احۋال جٶنٸندەگٸ جۇمىس كەڭەسٸندە وسىنداي تاپسىرما بەردٸ, دەپ حابارلايدى قازاقپارات اقوردانىڭ Twitter-دەگٸ پاراقشاسىنا سٸلتەمە جاساپ.
«تاعى بٸر مەسەلە وسى سالاداعى جەتەكشٸ ٶندٸرۋشٸلەردٸڭ ۆاكتسينالار جەلٸسٸن كەڭەيتۋ قاجەتتٸلٸگٸمەن بايلانىستى. وتاندىق فارماتسەۆتيكالىق الاڭداردا رەسەيلٸك جاڭا «سپۋتنيك لايت» ۆاكتسيناسىن جەتكٸزۋ جەنە شىعارۋ مەسەلەسٸن پىسىقتاۋ قاجەت», - دەدٸ قاسىم-جومارت توقاەۆ.
پرەزيدەنت, سونداي-اق, قىركٷيەكتە وتاندىق QazVac ۆاكتسيناسىن ٶنەركەسٸپتٸك كٶلەمدە شىعارۋ جوسپارلانعانىن ەسكە سالىپ, ونى دٷنيەجٷزٸلٸك دەنساۋلىق ساقتاۋ ۇيىمىندا تٸركەۋدٸ جەدەلدەتۋ قاجەتتٸگٸن ايتى. بۇل مٸندەت دەنساۋلىق ساقتاۋ مينيسترلٸگٸ مەن سىرتقى ٸستەر مينيسترلٸگٸنە جٷكتەلٸپ وتىر.
«ەكٸ جاقتى ۋاعدالاستىقتار شەڭبەرٸندە QazVac-تى ٷشٸنشٸ ەلدەر نارىعىنا ٸلگەرٸلەتۋ جٶنٸندەگٸ جۇمىستى ۇيىمداستىرۋدىڭ ماڭىزى زور. ٷكٸمەتتەن وسى مەسەلەنٸ ەرەكشە باقىلاۋعا الىپ, نەتيجەلەرٸ تۋرالى بٸر اي مەرزٸمدە بايانداۋدى سۇرايمىن», - دەگەن پرەزيدەنت ۆاكتسيناتسييا مەسەلەسٸندە وتاندىق بيزنەستٸڭ قولداۋى ٶتە ماڭىزدى ەكەنٸن اتادى.
«ٶيتكەنٸ, ۇجىمدىق يممۋنيتەتكە قول جەتكٸزبەسەك, بيزنەس ٷشٸن ماڭىزدى سانيتارلىق شەكتەۋلەردٸ تولىعىمەن الىپ تاستاۋ مٷمكٸن ەمەس», - دەدٸ مەملەكەت باسشىسى.
