Foto: Aqorda
Aqordada Memleket basshysy Qasym-Jomart Toqaevtyń tóraǵalyǵymen elimizdiń áleýmettik-ekonomikalyq damý máseleleri jáne Úkimettiń ortamerzimdi kezeńge arnalǵan boljamdary qarastyrylǵan keńes ótti, dep habarlaidy "Ult aqparat" Aqordanyń baspasóz qyzmetine silteme jasap.
Jiynǵa Premer-Ministr Oljas Bektenov, Prezident Ákimshiliginiń Basshysy Aibek Dádebai, Ulttyq bank tóraǵasy, Joǵary aýditorlyq palatanyń tóraǵasy, Úkimet músheleri jáne basqa da laýazymdy tulǵalar qatysty.
Prezidentke negizgi áleýmettik-ekonomikalyq damý kórsetkishteri, respýblikalyq biýdjettiń biylǵy 7 aidaǵy oryndalýy jáne 2025-2027 jyldarǵa arnalǵan respýblikalyq biýdjet jobasyndaǵy makroekonomikalyq parametrler jóninde baiandaldy.
Úkimet kelesi jyly ekonomika 5,6 paiyz deńgeiinde ósim kórsetedi, al infliatsiia 5,5-7,5 paiyzǵa deiin tómendeidi dep boljam jasap otyr.
Memleket basshysy Úkimetke makroekonomikalyq kórsetkishterdi boljaý jáne memlekettik biýdjet sapasyn arttyrý, ortalyqtaǵy jáne jergilikti deńgeidegi memlekettik shyǵyndardy basymdyǵyna qarai retteýdiń naqty mehanizmin engizý, sondai-aq kóleńkeli ekonomikamen kúres sharalaryn kúsheitý týraly mindet júktedi.
