Memleket basshysy Qasym-Jomart Toqaev Túrkistan oblysynyń ákimi Darhan Satybaldyny qabyldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaevqa Túrkistan oblysynda biylǵy 8 aida atqarylǵan jumystar týraly esep berildi.
Darhan Satybaldynyń aitýynsha, ekonomikanyń negizgi kórsetkishi – jalpy óńirlik ónerkásip óniminiń kólemi 534 milliard teńgege jetip, 2021 jyldyń osy kezeńimen salystyrǵanda 125 milliard teńgege ósken.
Oblysta jalpy quny 12,7 milliard teńgeni quraityn 26 investitsiialyq joba iske qosylyp, 936 jumys orny ashylǵan. Aýyl sharýashylyǵy salasynda 477 milliard teńgeniń ónimi óndirilip, byltyrmen salystyrǵanda kórsetkish 4 paiyzǵa artty.
Túrkistan aýmaǵynda birqatar sý nysandaryna jóndeý jumystary júrgizildi. Jospardaǵy sharalar iske asyrylǵannan keiin aýyl sharýashylyǵynyń jalpy ónim kólemi 1 trillion teńgege jetti.
Sondai-aq jyl basynan beri 486 myń sharshy metr turǵyn úi paidalanýǵa berilgen. Jyl sońyna deiin jalpy 85 turǵyn úidiń qurylysyn aiaqtaý josparlanyp otyr.
Oblys ákimi biýdjet esebinen 59 mekteptiń qurylysy júrgizilip jatqanyn, nátijesinde biyl 4 apatty jáne 2 úsh aýysymdy mekteptiń máselesi sheshiletinin baiandady. Budan bólek, jeke investorlar 13 mektepti paidalanýǵa berdi.
Qasym-Jomart Toqaev Túrkistan oblysynda qolǵa alynǵan jobalardy jalǵastyrýdy jáne halyqpen tyǵyz jumys isteý máselesin kúsheitýdi tapsyrdy.
