Prezident Qasym-Jomart Toqaevtyń atyna shet memleket basshylarynan qasietti Ramazan aiynyń bastalýyna orai quttyqtaý jedelhattary kelip jatyr, - dep habarlaidy "Ult aqparat" Aqorda saityna silteme jasap.
Ózbekstan prezidenti Shavkat Mirziioev óziniń quttyqtaýynda eki el halqyn bailanystyratyn berik dostyq pen tatý kórshilik, strategiialyq seriktestik pen odaqtastyq qatynastardyń sońǵy jyldary qarqyndy damyp kele jatqanyn atap ótken.
"Ózbekstan men Qazaqstan arasyndaǵy yntymaqtastyqtyń jan-jaqty keńeiýi kórshiles eki halyq pen memlekettiń órkendeýine ǵana emes, sondai-aq búkil aimaǵymyzdaǵy beibitshilikti, tynyshtyq pen turaqtylyqty qamtamasyz etýge yqpal etedi", - delingen ózbek kóshbasshysynyń jedelhatynda.
Saýd Arabiia Koroli Salman ben Ábdelaziz Ál Saýd jáne Koroldiktiń Taq murageri Muhammed ben Salman ben Ábdelaziz Ál Saýd Qasym-Jomart Toqaevty qasietti Ramazan aiymen quttyqtap, oǵan zor densaýlyq, baqyt tilegen, al baýyrlas Qazaqstan halqynyń ósip-órkendei berýine niettestik bildirgen.
Sonymen qatar, Qazaqstan kóshbasshysyn BAÁ prezidenti Halifa ben Zaid Ál Nahaian, BAÁ vitse-prezidenti, premer-ministri, Dýbai ámirliginiń bileýshisi Muhammed ben Rashid Ál Maktým, BAÁ Qarýly Kúshteriniń Joǵarǵy Bas qolbasshysynyń orynbasary Muhammed ben Zaid Ál Nahaian, Iordaniia Koroli II Abdalla, Kýveittiń Taq murageri Meshal ál-Ahmed ál-Djaber as-Sabah, Marokko Koroli VI Muhammed, Bahrein Koroli Hamad ben Isa Ál Halifa, Palestina prezidenti Mahmýd Abbas quttyqtady.
