پرەزيدەنت قاسىم-جومارت توقاەۆتىڭ اتىنا شەت مەملەكەت باسشىلارىنان قاسيەتتٸ رامازان ايىنىڭ باستالۋىنا وراي قۇتتىقتاۋ جەدەلحاتتارى كەلٸپ جاتىر, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
ٶزبەكستان پرەزيدەنتٸ شاۆكات ميرزييوەۆ ٶزٸنٸڭ قۇتتىقتاۋىندا ەكٸ ەل حالقىن بايلانىستىراتىن بەرٸك دوستىق پەن تاتۋ كٶرشٸلٸك, ستراتەگييالىق سەرٸكتەستٸك پەن وداقتاستىق قاتىناستاردىڭ سوڭعى جىلدارى قارقىندى دامىپ كەلە جاتقانىن اتاپ ٶتكەن.
"ٶزبەكستان مەن قازاقستان اراسىنداعى ىنتىماقتاستىقتىڭ جان-جاقتى كەڭەيۋٸ كٶرشٸلەس ەكٸ حالىق پەن مەملەكەتتٸڭ ٶركەندەۋٸنە عانا ەمەس, سونداي-اق بٷكٸل ايماعىمىزداعى بەيبٸتشٸلٸكتٸ, تىنىشتىق پەن تۇراقتىلىقتى قامتاماسىز ەتۋگە ىقپال ەتەدٸ", - دەلٸنگەن ٶزبەك كٶشباسشىسىنىڭ جەدەلحاتىندا.
ساۋد ارابييا كورولٸ سالمان بەن ەبدەلازيز ەل ساۋد جەنە كورولدٸكتٸڭ تاق مۇراگەرٸ مۇحاممەد بەن سالمان بەن ەبدەلازيز ەل ساۋد قاسىم-جومارت توقاەۆتى قاسيەتتٸ رامازان ايىمەن قۇتتىقتاپ, وعان زور دەنساۋلىق, باقىت تٸلەگەن, ال باۋىرلاس قازاقستان حالقىنىڭ ٶسٸپ-ٶركەندەي بەرۋٸنە نيەتتەستٸك بٸلدٸرگەن.
سونىمەن قاتار, قازاقستان كٶشباسشىسىن باە پرەزيدەنتٸ حاليفا بەن زايد ەل ناحايان, باە ۆيتسە-پرەزيدەنتٸ, پرەمەر-مينيسترٸ, دۋباي ەمٸرلٸگٸنٸڭ بيلەۋشٸسٸ مۇحاممەد بەن راشيد ەل ماكتۋم, باە قارۋلى كٷشتەرٸنٸڭ جوعارعى باس قولباسشىسىنىڭ ورىنباسارى مۇحاممەد بەن زايد ەل ناحايان, يوردانييا كورولٸ II ابداللا, كۋۆەيتتٸڭ تاق مۇراگەرٸ مەشال ەل-احمەد ەل-دجابەر اس-ساباح, ماروككو كورولٸ VI مۇحاممەد, باحرەين كورولٸ حاماد بەن يسا ەل حاليفا, پالەستينا پرەزيدەنتٸ ماحمۋد ابباس قۇتتىقتادى.
