Qasym-Jomart Toqaevtyń qatysýymen «Aqorda» rezidentsiiasynyń aldynda Respýblika kúnine arnalǵan Memlekettik tý kóterý rásimi ótti, dep habarlaidy "Ult aqparat" Aqordanyń baspasóz qyzmetine silteme jasap.
Rásimde Qurmet qaraýylynyń bastyǵy Memleket basshysyna raport berdi. Keiin Prezidenttiń buiryǵymen elimizdiń Memlekettik týy kóterilip, ánuran oryndaldy.
Biyl ulttyq mereke retinde qaita jańǵyrǵan Respýblika kúnin el kóleminde atap ótý osyndai saltanatty sharamen bastaldy. Memlekettik tý kóterý rásimi óńirlerde de jalǵasady.
