Bizdiń maqsatymyz – azamattarymyzdyń turmys sapasyn jaqsartyp, tabysyn arttyrý. Memleketik organdardyń árbir sheshimi, árbir áreketi ekonomikany damytýǵa jáne halyqtyń igiligine arnalýǵa tiis. Memleket basshysy Qasym-Jomart Toqaev Úkimettiń búgingi keńeitilgen otyrysyn osy sózdermen túiindedi, dep habarlaidy QazAqparat.
«Biyl Táýelsizdigimizdiń 30 jyldyǵyn atap ótemiz. Osyǵan orai qolǵa alynǵan reformalardy qarqyndy túrde júzege asyrýymyz kerek. Mereitoi kezinde artyq dańǵaza men ysyrapshyldyqqa jol berilmeidi. Biz osy sharalar arqyly birlik pen kelisimdi nyǵaityp, óskeleń urpaqtyń boiyndaǵy patriotizmdi damytýǵa tiispiz. Olardy egemendigimizdiń jáne memlekettimizdiń qundylyqtaryn baǵalai bilýge úiretýimiz qajet. Sondyqtan men «Táýelsizdik bárinen qymbat» atty maqalamda qazirgi ideologiialyq baǵdarlamalardy naqty atap kórsettim. Bizdiń maqsatymyz – azamattarymyzdyń turmys sapasyn jaqsartyp, tabysyn arttyrý. Memleketik organdardyń árbir sheshimi, árbir áreketi ekonomikany damytýǵa jáne halyqtyń igiligine arnalýǵa tiis. Bul bizdiń qolymyzdan keledi», - dep sózin túiindedi Úkimettiń keńeitilgen otyrysynda Qasym-Jomart Toqaev.
Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeitilgen otyrysy ótti. Onlain formattaǵy jiynda eldiń áleýmettik-ekonomikalyq damýynyń 2020 jylǵy qorytyndylary men aldaǵy jospary talqylandy.
.jpeg)