Prezident Qasym-Jomart Toqaevtyń tapsyrmasynan keiin Leńgir qalasyndaǵy másele tez arada sheshildi. Bul týraly oblys ákimi Ómirzaq Shókeev óziniń Facebook áleýmettik jelisindegi paraqshasynda jariia etti, dep habarlaidy "Ult aqparat".
Aita keteiik, búgin Memleket basshysy Qasym-Jomart Toqaev óziniń Twitter-degi paraqshasynda "31 arnanyń" siýjetin salyp, Premer-Ministr men Túrkistan oblysynyń ákimine Tólebi aýdanynyń ortalyǵy Leńgir qalasyndaǵy kóp páterli úi turǵyndarynyń keleńsiz jaǵdaiy máselesin sheshýdi tapsyrǵan bolatyn. Bul máselege orai aimaq basshysy óz paraqshasynda mynandai málimet taratty.
«Leńgir qalasyndaǵy №25B turǵyn úidiń sarqyndy sýlary men jaǵymsyz iisi bar másele jedel sheshimin tapty. Kárizdik septik tazartylyp, úidiń jertóle bólmesine dezinfektsiia júrgizildi. Bul týraly oblys ákimi Ómirzaq Shókeev jaqynda ashylǵan "Facebook" áleýmettik jelisindegi resmi paraqshasynda habarlady.
Eske sala keteiik, buǵan deiin Leńgirdegi kóp páterli úidiń turǵyndary olardyń úiin únemi káriz qaldyqtary iisi shyǵyp turatyndyǵy jóninde shaǵymdanǵan bolatyn» delingen Ómirzaq Shókeevtiń paraqshasynda.
