Jergilikti qamtýǵa qatysty óńirlerde kóshpeli tekserýler ótkiziledi. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
Onyń aitýynsha, Prezidenttiń jergilikti qamtý úlesine qatysty synyna orai óńirlerge kóshpeli tekserýler uiymdastyrý úshin memlekettik organdardyń ókilderimen Jumys toby uiymdastyrylady. Otandyq taýarlardyń, jumystar men qyzmetterdiń qoldanylýyn rastaityn barlyq konkýrstyq qujattar tekseriledi.
«Búgingi tańda jergilikti qamtý úlesiniń kórsetkishteri Pavlodar, Aqtóbe, Batys Qazaqstan oblystarynda tómen bolyp otyr. Bul rette, óńirlerge qatysty naqty kórinisti tekserý qorytyndylary boiynsha kóremiz», - dedi ol.
Ministr Jumyspen qamtý jol kartasynyń aiasynda 7 óńirde otandyq ónimderdi qoldaný kórsetkishi 90 paiyzdan tómen ekendigin basa aitty.
«Atap aitqanda, Almaty, Qyzylorda, Mańǵystaý (80%), Qostanai, Pavlodar oblystarynda jáne Shymkent, Nur-Sultan qalalarynda», - dedi Beibit Atamqulov.
