Agrarlyq nesie korporatsiiasy «Qarapaiym zattar ekonomikasy» baǵdarlamasy boiynsha egis naýqanyn qarjylandyrýǵa kiristi, dep habarlaidy "Ult aqparat" Aýyl sharýashylyǵy ministrligine silteme jasap.
Daǵdarysqa qarsy sharalar aiasynda Memleket basshysy qazaqstandyq fermerlerge kóktemgi dala jumystaryna «Qarapaiym zattar ekonomikasy» baǵdarlamasyna qosymsha qarjylyq kómek kórsetýdi tapsyrdy. Qarajat qaitarymsyz emes, biraq jeńildetilgen sharttarmen beriledi.
Fermerlerge 6%-ben 100 milliard teńge berý qarastyrylǵan. Qarjy 12 aiǵa deiingi merzimge beriledi. Negizgi qaryzdy nesie merzimi aiaqtalǵannan keiin óteýge bolady.
«Qarjylandyrý «Agrarlyq nesie korporatsiiasy» AQ jáne ekinshi deńgeili bankter arqyly júzege asyrylady. Egin egý naýqany bastalǵannan bastap, ANK qarajat berýdi tezdetý jáne jeńildetý maqsatynda biznes-protsesterdi ońtailandyrdy. Atap aitqanda, 30 kúntizbelik kúnde qaralatyn ótinishter 10 kún ishinde tekserilip, sheshim shyǵarý qarastyryldy. Ótkizetin qujattar tizimi de qysqarady. Búgingi tańda ANK fermerlerge shamamen 6 mlrd teńge qarjy bóldi. Jaqynda Agrarlyq nesie korporatsiiasy «Keń dala» baǵdarlamasy boiynsha kóktemgi dala jumystaryn qarjylandyrýdy aiaqtady. Nátijesinde 70 mlrd teńgeni 5%-ben 2 405 shaǵyn jáne orta biznes ókili aldy» delingen habarlamada.
Osylaisha, «Keń dala» jáne «Qarapaiym zattar ekonomikasy» baǵdarlamasy boiynsha 2020 jylǵy kóktemgi dala jumystaryna 170 mlrd teńge bólindi. Memlekettiń osyndai aýqymdy qoldaýy sharýalardyń ýaqtyly jáne esh kedergisiz jumys jasaýyna múmkindik beredi.
