اگرارلىق نەسيە كورپوراتسيياسى «قاراپايىم زاتتار ەكونوميكاسى» باعدارلاماسى بويىنشا ەگٸس ناۋقانىن قارجىلاندىرۋعا كٸرٸستٸ, دەپ حابارلايدى "ۇلت اقپارات" اۋىل شارۋاشىلىعى مينيسترلٸگٸنە سٸلتەمە جاساپ.
داعدارىسقا قارسى شارالار اياسىندا مەملەكەت باسشىسى قازاقستاندىق فەرمەرلەرگە كٶكتەمگٸ دالا جۇمىستارىنا «قاراپايىم زاتتار ەكونوميكاسى» باعدارلاماسىنا قوسىمشا قارجىلىق كٶمەك كٶرسەتۋدٸ تاپسىردى. قاراجات قايتارىمسىز ەمەس, بٸراق جەڭٸلدەتٸلگەن شارتتارمەن بەرٸلەدٸ.
فەرمەرلەرگە 6%-بەن 100 ميلليارد تەڭگە بەرۋ قاراستىرىلعان. قارجى 12 ايعا دەيٸنگٸ مەرزٸمگە بەرٸلەدٸ. نەگٸزگٸ قارىزدى نەسيە مەرزٸمٸ اياقتالعاننان كەيٸن ٶتەۋگە بولادى.
«قارجىلاندىرۋ «اگرارلىق نەسيە كورپوراتسيياسى» اق جەنە ەكٸنشٸ دەڭگەيلٸ بانكتەر ارقىلى جٷزەگە اسىرىلادى. ەگٸن ەگۋ ناۋقانى باستالعاننان باستاپ, انك قاراجات بەرۋدٸ تەزدەتۋ جەنە جەڭٸلدەتۋ ماقساتىندا بيزنەس-پروتسەستەردٸ وڭتايلاندىردى. اتاپ ايتقاندا, 30 كٷنتٸزبەلٸك كٷندە قارالاتىن ٶتٸنٸشتەر 10 كٷن ٸشٸندە تەكسەرٸلٸپ, شەشٸم شىعارۋ قاراستىرىلدى. ٶتكٸزەتٸن قۇجاتتار تٸزٸمٸ دە قىسقارادى. بٷگٸنگٸ تاڭدا انك فەرمەرلەرگە شامامەن 6 ملرد تەڭگە قارجى بٶلدٸ. جاقىندا اگرارلىق نەسيە كورپوراتسيياسى «كەڭ دالا» باعدارلاماسى بويىنشا كٶكتەمگٸ دالا جۇمىستارىن قارجىلاندىرۋدى اياقتادى. نەتيجەسٸندە 70 ملرد تەڭگەنٸ 5%-بەن 2 405 شاعىن جەنە ورتا بيزنەس ٶكٸلٸ الدى» دەلٸنگەن حابارلامادا.
وسىلايشا, «كەڭ دالا» جەنە «قاراپايىم زاتتار ەكونوميكاسى» باعدارلاماسى بويىنشا 2020 جىلعى كٶكتەمگٸ دالا جۇمىستارىنا 170 ملرد تەڭگە بٶلٸندٸ. مەملەكەتتٸڭ وسىنداي اۋقىمدى قولداۋى شارۋالاردىڭ ۋاقتىلى جەنە ەش كەدەرگٸسٸز جۇمىس جاساۋىنا مٷمكٸندٸك بەرەدٸ.
