«INVIVO» jáne «Olimp» zerthanalarynda PTR-testileý qyzmetiniń baǵasy 9000 teńgege deiin arzandady. Bul týraly Básekelestikti qorǵaý jónindegi agenttiktiń baspasóz qyzmeti habarlady.
Agenttik baspasóz qyzmetiniń málimdeýinshe, klinikalyq-diagnostikalyq zerthanalarmen antimonopoliialyq komplaens aktisine qol qoiylǵan, zerthanalar baǵalardy óz erkimen tómendetken.
Eske salsaq, buǵan deiin Densaýlyq saqtaý ministri Aleksei Tsoi PTR test arzandaǵannan keiin qandai somada bolatynyn aitqan edi.
«Qazirgi kezde boljamdy túrde 11 myń teńgeden 8 900-ge deiin tómendeýi tiis. Bul baǵytta tiisti esep-qisap júrgizilýde. Qajetti qadamdardy saladaǵy qaýymdastyqtarmen, «Atameken» UKP-pen pysyqtap jatyrmyz», - dedi Aleksei Tsoi.
