QR IIM esirtki qylmysyna qarsy is - qimyl departamentiniń bastyǵy Tilegen Matkenov Memleket basshysynyń esirtki saýdasyna qarsy kúresti kúsheitý mindeti qalai oryndalyp jatqanyn aityp berdi, dep habarlaidy QazAqparat.
«IIM kollegiiasynyń otyrysynda Memleket basshysy esirtki saýdasyna qarsy kúresti kúsheitý mindetin qoiǵan bolatyn. Ásirese bul rette esirtkini jarnamalaý faktilerine erekshe nazar aýdarylǵan. Bul baǵyttaǵy jumys jalǵasyp kele jatqanyn atap ótkim keledi. Zańnamalyq baza qaita qaralyp, jańa psihikalyq belsendi zattardyń esepke tirkeý tártibi jeńildetildi. Esirtki saýdasynyń qazirgi tegeýrinine jaýap beretin qylmystyq isterdiń jańa quramy engizildi. Bul rette eń aldymen internet arqyly ony ótkizý qylmysyna basa nazar aýdarylyp otyr. Budan bylai bul qylmystar aýyr jáne asa aýyr qylmystardyń qataryna jatady. Ony jasaǵan adam uzaq merzimge bas bostandyǵynan, tipti ómir boiy bas bostandyǵynan aiyrylady», - dedi Tilegen Matkenov IIM-niń onlain baspasóz máslihatynda.
Onyń aitýynsha esirtkini jarnamalaý boiynsha 64 qylmystyń beti ashylǵan. Sondai-aq onyń ishinde internet arqyly esirtki ótkizýdiń 39 jaǵdaiy anyqtalǵan. Bul fakttar boiynsha 41 qylmystyq is sotqa joldanǵan.
«Búgingi tańda Joǵarǵy sotpen birlese otyryp, biz Normativti qaýly jobasyn ázirlep jatyrmyz. Ol qylmystyq isterdi tergeýde biryńǵai amaldy qoldaný boinysha quqyqtyq praktikany túsindirýge múmkindik beredi. Osy jumystardyń aiasynda jyl sońyna deiin psihikalyq belsendi zattar men prekýrsorlardyń taǵy jańa 32 túrin memlekettik baqylaýǵa engizý boiynsha Úkimet qaýlysy qabyldanady. Sonymen qatar osy aida belgisiz qoldanýshylardyń paidasyna aqsha aýdarmasyn júrgizýge tyiym salýǵa týraly Ulttyq bankpen birge birlesken normalar kúshine enedi», - dedi ol.
