Memleket basshysynyń tikelei tapsyrmasy boiynsha birjalyq saýda-sattyqty jaǵdai turaqtalǵanǵa deiin ýaqytsha keiinge qaldyrý týraly sheshim qabyldandy. Bul týraly QR Básekelestikti qorǵaý jáne damytý agenttiginiń tóraǵasy Serik Jumanǵarin málimdedi, dep habarlaidy QazAqparat.
«Memleket basshysynyń tikelei tapsyrmasy boiynsha birjalyq saýda-sattyqty jaǵdai turaqtalǵanǵa deiin ýaqytsha keiinge qaldyrý týraly sheshim qabyldandy. Osyǵan bailanysty birinshi kezekte agenttik aldynda avtogazǵa belgilengen shekti baǵalardyń saqtalýyn baqylaý mindeti tur. Kelesi jyldan bastap saýda-sattyqty qaita bastaýǵa daiyndaý úshin agenttik tarapynan suiytylǵan gaz saýdasynyń sektsiialyq birjalyq erejeleri ázirlenedi», - dep jazdy Serik Jumanǵarin óziniń Facebook-tegi paraqshasynda.
Sondai-aq agenttik tóraǵasy osy ýaqyttan bastap suiytylǵan gaz birjalyq taýar dep tanylǵanyn eske saldy. Bul suiytylǵan gaz saýdasynyń júrgizilýin odan ári baqylaýdy básekelestikti qorǵaý jáne damytý agenttigi júrgizetinin bildiredi.
«Búgingi tańda belgilengen ókilettikter sheńberinde agenttik avtogazǵa bólshek saýda baǵalaryn ýaqytsha retteýdi engizdi. Energetika ministrligi kóterme saýdada ótkizýdiń shekti baǵalaryn belgiledi», - dep túsindirdi Serik Jumanǵarin.
