Prezident Qasym-Jomart Toqaevtyń byltyrǵy Joldaýynda birjadaǵy saýda-sattyqty tártipke keltirý týraly tapsyrmasy júzege asty, dep habarlaidy "Ult aqparat".
Memleket basshysynyń baspasóz hatshysy Berik Ýáli Facebook paraqshasynda Prezident bergen tapsyrmalardyń oryndalǵany týraly kezekti málimet jariialady.
2020 jylǵy halyqqa Joldaýynda Qasym-Jomart Toqaev birjadaǵy saýda-sattyqtyń el ekonomikasyndaǵy róline toqtalǵan bolatyn.
«Birjadaǵy saýda-sattyqty tártipke keltirý kerek. Bul eń aldymen munai ónimderi, elektr energiiasy, kómir saýdasyna qatysty. Bul saladaǵy iri kompaniialardyń kózboiaýshylyǵyna jol berýge bolmaidy», - degen bolatyn Prezident.
Berik Ýálidiń málimetinshe, sol tapsyrma aiasynda vedomstvoaralyq konsýltativtik-keńesshi organ – Birja komiteti qurylǵan.
«Naryq qatysýshylary birjalyq saýdaǵa kedergisiz kirý úshin aýqymdy túrde oqytylýda. Birjalyq taýarlar tizimine munai ónimderiniń toby, sonyń ishinde bitým engizildi», - dep jazylǵan infografikada.
Prezidenttiń baspasóz hatshysy biyl 31 naýryzda benzin men bitým birjalyq saýdaǵa shyǵarylǵanyn eske alady.
«24 mamyrda kómirdiń qoljetimdi shaǵyn partiialary óńirlik operatorlarǵa satyla bastady. 16 maýsymda taýar birjalaryna, birjalyq jáne birjadan tys baǵa belgilenimderine monitoring júrgizetin Ahýaldyq ortalyq iske qosyldy», - dep jazylǵan málimette.
