پرەزيدەنت قاسىم-جومارت توقاەۆتىڭ بىلتىرعى جولداۋىندا بيرجاداعى ساۋدا-ساتتىقتى تەرتٸپكە كەلتٸرۋ تۋرالى تاپسىرماسى جٷزەگە استى, دەپ حابارلايدى "ۇلت اقپارات".
مەملەكەت باسشىسىنىڭ باسپاسٶز حاتشىسى بەرٸك ۋەلي Facebook پاراقشاسىندا پرەزيدەنت بەرگەن تاپسىرمالاردىڭ ورىندالعانى تۋرالى كەزەكتٸ مەلٸمەت جارييالادى.
2020 جىلعى حالىققا جولداۋىندا قاسىم-جومارت توقاەۆ بيرجاداعى ساۋدا-ساتتىقتىڭ ەل ەكونوميكاسىنداعى رٶلٸنە توقتالعان بولاتىن.
«بيرجاداعى ساۋدا-ساتتىقتى تەرتٸپكە كەلتٸرۋ كەرەك. بۇل ەڭ الدىمەن مۇناي ٶنٸمدەرٸ, ەلەكتر ەنەرگيياسى, كٶمٸر ساۋداسىنا قاتىستى. بۇل سالاداعى ٸرٸ كومپانييالاردىڭ كٶزبوياۋشىلىعىنا جول بەرۋگە بولمايدى», - دەگەن بولاتىن پرەزيدەنت.
بەرٸك ۋەليدٸڭ مەلٸمەتٸنشە, سول تاپسىرما اياسىندا ۆەدومستۆوارالىق كونسۋلتاتيۆتٸك-كەڭەسشٸ ورگان – بيرجا كوميتەتٸ قۇرىلعان.
«نارىق قاتىسۋشىلارى بيرجالىق ساۋداعا كەدەرگٸسٸز كٸرۋ ٷشٸن اۋقىمدى تٷردە وقىتىلۋدا. بيرجالىق تاۋارلار تٸزٸمٸنە مۇناي ٶنٸمدەرٸنٸڭ توبى, سونىڭ ٸشٸندە بيتۋم ەنگٸزٸلدٸ», - دەپ جازىلعان ينفوگرافيكادا.
پرەزيدەنتتٸڭ باسپاسٶز حاتشىسى بيىل 31 ناۋرىزدا بەنزين مەن بيتۋم بيرجالىق ساۋداعا شىعارىلعانىن ەسكە الادى.
«24 مامىردا كٶمٸردٸڭ قولجەتٸمدٸ شاعىن پارتييالارى ٶڭٸرلٸك وپەراتورلارعا ساتىلا باستادى. 16 ماۋسىمدا تاۋار بيرجالارىنا, بيرجالىق جەنە بيرجادان تىس باعا بەلگٸلەنٸمدەرٸنە مونيتورينگ جٷرگٸزەتٸن احۋالدىق ورتالىق ٸسكە قوسىلدى», - دەپ جازىلعان مەلٸمەتتە.
