Foto: Aqorda
Memleket basshysy Qasym-Jomart Toqaev Óńirlik ekologiialyq sammittiń plenarlyq otyrysynda sóz sóiledi, dep habarlaidy Ult.kz.
Prezident sammit qatysýshylaryna iltipat bildirip, halyqaralyq dialog alańynyń mańyzyna toqtaldy.
"Qazirgi ekologiia tek klimat máselesimen shektelmeidi. Bul – adamzat tirshiliginiń túp negizi. Iaǵni áńgime taza aýa men sapaly sýǵa, búlinbegen topyraq pen senimdi azyq-túlik júiesine, qoǵamnyń turaqtylyǵyna jáne urpaqtyń keleshegine qatysty bolyp otyr. Jalpy aqyl-oidyń tunyqtyǵy, qoǵamdaǵy úilesim men adami baqyt ta osyǵan saiady. Al ekologiia degenimiz – Jer betindegi tirshilikke jaýapkershilikpen qaraityn sanaly ómir salty. Sondyqtan búgingi sammit der kezinde uiymdastyrylyp otyr", – dedi Qasym-Jomart Toqaev.
Qasym-Jomart Toqaev seksen jyl buryn qurylǵan Birikken Ulttar Uiymyna áli kúnge deiin balama joq ekenin, ámbebap dialog alańy ekenin atap ótti. Alaida odan beri álem túbegeili ózgeriske ushyrady. Jasandy intellekt búkil adamzat sanasyn jaýlap, kúndelikti ómirge dendep endi.
"Halyqaralyq quqyqtyń negizi sanalatyn BUU Jarǵysynyń buljymas beriktigi týraly jii aitylady. Áitse de, ol – qalaýyńa qarai tapsyryspen aldyratyn jeńsik as emes. Kerisinshe, BUU Jarǵysyn birtutas, jan-jaqty qujat retinde qabyldaý kerek. Onyń erejeleri dál sol qalpynda tanylyp, múltiksiz saqtalýǵa tiis. Sol sebepti BUU jáne basqa da iri halyqaralyq uiymdar aýqymy men sipaty jaǵynan buryn-sońdy bolmaǵan ári boljaýy qiyn ózgerister dáýirine qadam basqan qazirgi álemniń aqiqatyn qaperge alǵany jón", - dep usyndy Prezident.
Ol BUU Jarǵysyndaǵy qaǵidattardy halyqaralyq qarýly qaqtyǵystarǵa qatysty óz yńǵaiymyzǵa qarai qoldanýdan aýlaq bolýymyz qajet ekenin aitty.
"Meniń oiymsha, ekologiia máselesinde tańdaýlylarǵa basymdyq berý ábestik. Kóp jaǵdaida ekologiialyq kún tártibin ázirleý nemese qalyptastyrý barysynda túrli aimaqtar men elderdiń, ásirese, ekonomikalyq áleýetin nyǵaitýǵa den qoiǵan damýshy memleketterdiń qajettilikteri múldem eskerilmeidi", - dei kele ol jahandyq ekologiialyq modelge kóshý úrdisi ádil, teńgerimdi jáne yntalandyrýshy sipatta órbýge tiis ekenin aitty.
Prezident ózen-kólder de, tabiǵi landshafttar da, klimattyń qaýip-qaterleri de barshamyzǵa ortaq. Eń bastysy, jaýapkershilikti teńdei bólisýimiz qajet ekenin basa aitty.
Osydan keiin Ortalyq Aziia men kórshiles aimaqtarǵa ortaq ekologiialyq syn-qaterlerdi atap ótti:
- - sý tapshylyǵy men sý resýrstaryn tiimsiz basqarý;
- - shóleittený;
- - muzdyqtardyń erýi;
- - aýanyń lastanýy;
- - bioalýantúrliliktiń joiylý qaýpi.
"Men eń negizgi syn-qaterler men problemalardyń mánin ashyp, ádeii tústep otyrmyn. Óitkeni kúsh jumyldyrý arqyly atalǵan máselelerdi sheshýde oń nátijege jetemiz. Buǵan kámil senemin. Jetistikterge toqmeiilsip otyratyn zaman ótti, sheshim qabyldaityn ýaqyt keldi", - dedi Memleket basshysy.
