Nur-Sultan qalalyq Taýarlar men qyzmetterdiń sapasyn jáne qaýipsizdigin baqylaý departamenti Ortalyq temirjol aýrýhanasynyń jumysyn toqtatý týraly sotqa aryz berdi, dep habarlaidy "Ult aqparat" departamenttiń baspasóz qyzmetine silteme jasap habarlaidy.
Onyń aitýynsha, Prezident bul aýrýhananyń apattyq jaǵdaiy máselesin kótermei turyp, departament 2019 jyldyń 13 tamyzynda tekserý júrgizgen.
«Tekserý barysynda birneshe sanitarlyq talaptyń buzylǵany anyqtaldy. Ǵimarat edenindegi linoleým jyrtylǵan, qabyrǵaǵa jaryq túsip, sylaqtary túsken. Bul qajetti dezinfektsiiany júrgizýge jáne sterildi rejImdi ustanýǵa kedergi keltirgen. Klinikalyq zerthanada tazalaý men jeldetkishke dezinfektsiia jumystary júrgizilmegen. Parazitologiialyq zertteý júrgizetin klinikalyq zerthananyń patogendiktiń I-IV toptaryndaǵy mikroaǵzalarymen jáne gelminttermen jumys isteýine ruqsat joq», - dedi S. Baiǵabylov.
Sonymen birge, týberkýlezdiń batsilliarly formasymen aýyratyn naýqastardy anyqtaǵanda, esepte turmaǵan naýqastar týberkýlezden kóz jumǵanda tótenshe jaǵdai týraly habarlamalar toltyrylmaǵan. Pýlmonologiia bóliminde emdelip jatqan naýqastarǵa belsendi týberkýlez diagnozyn qoiýda sanitarlyq jáne epidemiiaǵa qarsy sharalar júrgizilmegen.
Anyqtalǵan faktiler úshin Ortalyq temirjol aýrýhanasyna 1600 AEK kóleminde aiyppul salynyp (qysqartylǵan túrde tólendi), zańbuzýshylyqtardy joiý týraly nusqama berildi.
«2019 jyldyń 3 qazanynda nusqamanyń oryndalýy boiynsha tekserý júrgizildi. Alaida, onda kórsetilgen 6 tarmaqtyń óreskel buzý retinde kórsetilgen 2 tarmaǵy joiylǵan joq. Tekserý nátijesi boiynsha, QR Ákimshilik quqyqbuzýshylyqtar kodeksiniń 462-baby 3-bóligi boiynsha onyń qyzmetin ýaqytsha toqtatyp, aiyppul salý týraly hattama jasaldy jáne materialdar Nur-Sultan aýdanaralyq ákimshilik sotyna jiberildi. 2019 jyldyń 15 qazanyna belgilengen birinshi sot tyńdaýy keiinge qaldyryldy. Kelesi otyrys 2019 jyldyń 23 qazanynda ótti. Onda sýdia sheshim qabyldaǵan joq», - dep túsindirdi S. Baiǵabylov.
Eske sala ketsek, 8 qazanda Memleket basshysy Qasym-Jomart Toqaev elordadaǵy Ortalyq temirjol aýrýhanasynyń apattyq jaǵdaiy problemasyn kóterdi.
«Ortalyq temirjol aýrýhanasynyń apattyq jaǵdaiy erekshe nazar aýdarýdy qajet etedi. Ǵimaratqa kúrdeli jóndeý 60 jyl júrgizilmegen. Atap aitqanda, bul aýrýhana búginde elordada halyq tyǵyz ornalasqan aýdannyń birine qyzmet kórsetýde. Saryarqa aýdanynda 400 myńǵa jýyq adam turyp jatyr», - degen bolatyn Prezident.
