نۇر-سۇلتان قالالىق تاۋارلار مەن قىزمەتتەردٸڭ ساپاسىن جەنە قاۋٸپسٸزدٸگٸن باقىلاۋ دەپارتامەنتٸ ورتالىق تەمٸرجول اۋرۋحاناسىنىڭ جۇمىسىن توقتاتۋ تۋرالى سوتقا ارىز بەردٸ, دەپ حابارلايدى "ۇلت اقپارات" دەپارتامەنتتٸڭ باسپاسٶز قىزمەتٸنە سٸلتەمە جاساپ حابارلايدى.
ونىڭ ايتۋىنشا, پرەزيدەنت بۇل اۋرۋحانانىڭ اپاتتىق جاعدايى مەسەلەسٸن كٶتەرمەي تۇرىپ, دەپارتامەنت 2019 جىلدىڭ 13 تامىزىندا تەكسەرۋ جٷرگٸزگەن.
«تەكسەرۋ بارىسىندا بٸرنەشە سانيتارلىق تالاپتىڭ بۇزىلعانى انىقتالدى. عيمارات ەدەنٸندەگٸ لينولەۋم جىرتىلعان, قابىرعاعا جارىق تٷسٸپ, سىلاقتارى تٷسكەن. بۇل قاجەتتٸ دەزينفەكتسييانى جٷرگٸزۋگە جەنە ستەريلدٸ رەجٸمدٸ ۇستانۋعا كەدەرگٸ كەلتٸرگەن. كلينيكالىق زەرتحانادا تازالاۋ مەن جەلدەتكٸشكە دەزينفەكتسييا جۇمىستارى جٷرگٸزٸلمەگەن. پارازيتولوگييالىق زەرتتەۋ جٷرگٸزەتٸن كلينيكالىق زەرتحانانىڭ پاتوگەندٸكتٸڭ I-IV توپتارىنداعى ميكرواعزالارىمەن جەنە گەلمينتتەرمەن جۇمىس ٸستەۋٸنە رۇقسات جوق», - دەدٸ س. بايعابىلوۆ.
سونىمەن بٸرگە, تۋبەركۋلەزدٸڭ باتسيلليارلى فورماسىمەن اۋىراتىن ناۋقاستاردى انىقتاعاندا, ەسەپتە تۇرماعان ناۋقاستار تۋبەركۋلەزدەن كٶز جۇمعاندا تٶتەنشە جاعداي تۋرالى حابارلامالار تولتىرىلماعان. پۋلمونولوگييا بٶلٸمٸندە ەمدەلٸپ جاتقان ناۋقاستارعا بەلسەندٸ تۋبەركۋلەز دياگنوزىن قويۋدا سانيتارلىق جەنە ەپيدەميياعا قارسى شارالار جٷرگٸزٸلمەگەن.
انىقتالعان فاكتٸلەر ٷشٸن ورتالىق تەمٸرجول اۋرۋحاناسىنا 1600 اەك كٶلەمٸندە ايىپپۇل سالىنىپ (قىسقارتىلعان تٷردە تٶلەندٸ), زاڭبۇزۋشىلىقتاردى جويۋ تۋرالى نۇسقاما بەرٸلدٸ.
«2019 جىلدىڭ 3 قازانىندا نۇسقامانىڭ ورىندالۋى بويىنشا تەكسەرۋ جٷرگٸزٸلدٸ. الايدا, وندا كٶرسەتٸلگەن 6 تارماقتىڭ ٶرەسكەل بۇزۋ رەتٸندە كٶرسەتٸلگەن 2 تارماعى جويىلعان جوق. تەكسەرۋ نەتيجەسٸ بويىنشا, قر ەكٸمشٸلٸك قۇقىقبۇزۋشىلىقتار كودەكسٸنٸڭ 462-بابى 3-بٶلٸگٸ بويىنشا ونىڭ قىزمەتٸن ۋاقىتشا توقتاتىپ, ايىپپۇل سالۋ تۋرالى حاتتاما جاسالدى جەنە ماتەريالدار نۇر-سۇلتان اۋدانارالىق ەكٸمشٸلٸك سوتىنا جٸبەرٸلدٸ. 2019 جىلدىڭ 15 قازانىنا بەلگٸلەنگەن بٸرٸنشٸ سوت تىڭداۋى كەيٸنگە قالدىرىلدى. كەلەسٸ وتىرىس 2019 جىلدىڭ 23 قازانىندا ٶتتٸ. وندا سۋديا شەشٸم قابىلداعان جوق», - دەپ تٷسٸندٸردٸ س. بايعابىلوۆ.
ەسكە سالا كەتسەك, 8 قازاندا مەملەكەت باسشىسى قاسىم-جومارت توقاەۆ ەلورداداعى ورتالىق تەمٸرجول اۋرۋحاناسىنىڭ اپاتتىق جاعدايى پروبلەماسىن كٶتەردٸ.
«ورتالىق تەمٸرجول اۋرۋحاناسىنىڭ اپاتتىق جاعدايى ەرەكشە نازار اۋدارۋدى قاجەت ەتەدٸ. عيماراتقا كٷردەلٸ جٶندەۋ 60 جىل جٷرگٸزٸلمەگەن. اتاپ ايتقاندا, بۇل اۋرۋحانا بٷگٸندە ەلوردادا حالىق تىعىز ورنالاسقان اۋداننىڭ بٸرٸنە قىزمەت كٶرسەتۋدە. سارىارقا اۋدانىندا 400 مىڭعا جۋىق ادام تۇرىپ جاتىر», - دەگەن بولاتىن پرەزيدەنت.
