Sýdialar buqaralyq aqparat quraldary tarapynan jii qysymǵa ushyraidy. Bul týraly QR sýdialarynyń VIII sezinde Memleket basshysy Qasym-Jomart Toqaev aitty, dep habarlaidy QazAqparat.
«Otandyq jáne halyqaralyq sarapshylar sýdia sot jáne alqa tóraǵalaryna táýeldi bolýýyn jalǵastyrýda dep sanaidy. Bul óreskel tájiribe ári odan arylý qajet. Sýdlardyń quqyq qorǵaý organdaryna táýeldiliginiń jalǵasýy da kúrdeli problema. Eshkimde sýdialardyń táýelsizdigine qatysty tipti kúdik te týyndamaýy tiis. Azamattar, biznes, investorlar qazaqstanyq sot beitarap ári ádil sheshim shyǵaratyndyǵyna senimdi bolýy tiis», - dedi QR Prezidenti.
Sonymen qatar Memleket basshysy sońǵy ýaqytta sýdialardyń BAQ-pen áleýmettik jeliler tarapynan qysymǵa ushyraityndyǵy jaily dereterdiń de kezdesetindigine nazar aýdartty.
«Tergeý áli júrip, is sotqa áli berilmese de jekelegen jýrnalister men blogerlerdiń ahýaldy shielenistirip, sýdialardyń sheshimin jariia túrde boljap jatady. Bul jerde qabyldanǵan sharalardy jáne dolbarlap adamdardy qyzmetker dep jariialaýǵa asyǵatyn keibir quqyq qorǵaý organdarynyń da kinási bar. BAQ-tyń jariialylyǵy men ashyqtyǵyn sotqa qysym jasaý úshin paidalanýǵa múldem bolmaidy. Sot ádildigi tek sot zalynda jáne tek sot protsesiniń qorytyndysynda oryn alýy tiis. Árbir sýdia óz áreketi men sheshimine jeke jaýap beredi. Sotqa qysym jasaý faktisi zańmen jaýap berýi tiis», - dedi Qasym-Jomart Toqaev.
