Búgin Úkimettiń keńeitilgen quramdaǵy otyrysynda Prezident Qasym-Jomart Toqaev Strategiialyq josparlaý jáne reformalar agenttiginiń tóraǵasy Qairat Kelimbetovke tapsyrma berdi, dep habarlaidy "Ult aqparat".
«Agenttik ǵylymi negizdelgen, jan-jaqty pysyqtalǵan usynystardy jetkizýi tiis. «Halyq únine qulaq asatyn memleket» tujyrymdamasyn iske asyrý aiasynda bilik pen qoǵam arasyndaǵy pikir almasýdyń turaqtylyǵyn qoldaý kerek. Sondyqtan Sizden (Qairat Kelimbetov-avt.) táýelsiz sarapshylarmen turaqty dialogty qamtamasyz etýdi suraimyn. Sonymen qatar, bizge durys ári naqty tájiribeli sheshimder kerek», - dedi Prezident atalǵan agenttik basshysyna qarata aitqan sózinde.
Osy oraida Memleket basshysy qazirgi kezde pikirtalastarǵa, túrli negizsiz baiandamalarǵa ýaqyt joq ekenin qadap aitty.
«Bizge tabysty sheshimder kerek. Iaǵni siz basqaryp otyrǵan vedomstvo jelisi boiynsha tabysty sheshimder bolýy tiis», - dedi Q. Toqaev agentti tóraǵasy Q. Kelimbetovke bergen tapsyrmasynda.
