Memleket basshysy Nursultan Nazarbaev quqyqtyq sot júiesin sapaly túrde jańartýdy tapsyrdy, dep habarlaidy QazAqparat tilshisi.
«Sot júiesindegi mamandardy sapaly túrde jańartý qajet. Osyny ylǵi aitamyz. Sýdia qyzmetine myqty zańgerler kelýge tyrysýy qajet. Biraq ondai úrdis baiqalmaidy. Táýelsizdigimizge 27 jyl boldy. Baiaǵy sýdialar otyr. Men olardy jaman dep aita almaimyn. Biraq ózderine júktelgen máselelerdi sheshe almai jatyr», - dedi N.Nazarbaev Joldaýdy jariialaý barysynda.
Elbasynyń aitýynsha, halyq áli kúnge deiin Prezidentke hat jazyp, óz máselelerin sheshýdi suraidy. Demek, olardyń problemasy sotta sheshilmeidi.
QR Joǵarǵy sotynyń tóraǵasy Jaqyp Asanovtyń aitýynsha, búginde sýdia qyzmetine qujat tapsyryp jatqan zańgerlerdiń sany kóbeiip keledi. Alaida zańgerlerdiń deńgeii tómen. «Máselen, eki konkýrs ótti. Sonda 140 adamnan 5-aq adam sýdia qyzmetine usynyldy», - dedi J.Asanov.
Memleket basshysy Joǵarǵy sot keńesine de eskertý jasady. «Talǵat (Donaqov - keńes basshysy), men seni ol jerge ne úshin qoidym. Sýdianyń «stavkasyn» bilý úshin emes. Aýdanda bir «taksa», oblystyq sotta bir «taksa». Joǵarǵy sot keńesi myqty mamandardy irikteýi tiis. Men taǵy aitamyn, bir jerdegi másele sheshilmei jatsa, basshyny aýystyrý qajet. Temirdei tártip bolýy shart. Ashyǵyn aitaiyn, jańadan qoiǵan adamdardy birden aýystyrǵym kelmeidi. Biraq qajet bolsa, solai isteýge týra keledi», - dep atap kórsetti N. Nazarbaev.
Prezidenttiń aitýynsha, sońǵy jyldary biraz sharalar atqaryldy. Alaida basty talap - halyqtyń sottarǵa degen senimine jete almai jatyrmyz. Zań ústemdigi bolmasa, qazirgi reformalardy iske asyrý múmkin emes. Osy oraida Memleket basshysy zamanaýi tehnologiialardy keńinen qoldanýdy tapsyrdy. «Bizde jyl saiyn 4 million adam sot daýlaryna qatysady. Oǵan qanshama kúsh-jiger men aqsha jumsalady. Sondyqtan artyq protsedýralardy qysqartý qajet. Áitpese, oǵan ýaqyt ta, aqsha da kóp ketedi. Máselen, buryn sotqa kelýge mindettedi. Qazir úide otyryp, ǵalamtor arqyly sot otyrysyna qatysýǵa bolady», - dedi N.Nazarbaev.
.jpeg)