مەملەكەت باسشىسى نۇرسۇلتان نازارباەۆ قۇقىقتىق سوت جٷيەسٸن ساپالى تٷردە جاڭارتۋدى تاپسىردى, دەپ حابارلايدى قازاقپارات تٸلشٸسٸ.
«سوت جٷيەسٸندەگٸ مامانداردى ساپالى تٷردە جاڭارتۋ قاجەت. وسىنى ىلعي ايتامىز. سۋديا قىزمەتٸنە مىقتى زاڭگەرلەر كەلۋگە تىرىسۋى قاجەت. بٸراق ونداي ٷردٸس بايقالمايدى. تەۋەلسٸزدٸگٸمٸزگە 27 جىل بولدى. باياعى سۋديالار وتىر. مەن ولاردى جامان دەپ ايتا المايمىن. بٸراق ٶزدەرٸنە جٷكتەلگەن مەسەلەلەردٸ شەشە الماي جاتىر», - دەدٸ ن.نازارباەۆ جولداۋدى جارييالاۋ بارىسىندا.
ەلباسىنىڭ ايتۋىنشا, حالىق ەلٸ كٷنگە دەيٸن پرەزيدەنتكە حات جازىپ, ٶز مەسەلەلەرٸن شەشۋدٸ سۇرايدى. دەمەك, ولاردىڭ پروبلەماسى سوتتا شەشٸلمەيدٸ.
قر جوعارعى سوتىنىڭ تٶراعاسى جاقىپ اسانوۆتىڭ ايتۋىنشا, بٷگٸندە سۋديا قىزمەتٸنە قۇجات تاپسىرىپ جاتقان زاڭگەرلەردٸڭ سانى كٶبەيٸپ كەلەدٸ. الايدا زاڭگەرلەردٸڭ دەڭگەيٸ تٶمەن. «مەسەلەن, ەكٸ كونكۋرس ٶتتٸ. سوندا 140 ادامنان 5-اق ادام سۋديا قىزمەتٸنە ۇسىنىلدى», - دەدٸ ج.اسانوۆ.
مەملەكەت باسشىسى جوعارعى سوت كەڭەسٸنە دە ەسكەرتۋ جاسادى. «تالعات (دوناقوۆ - كەڭەس باسشىسى), مەن سەنٸ ول جەرگە نە ٷشٸن قويدىم. سۋديانىڭ «ستاۆكاسىن» بٸلۋ ٷشٸن ەمەس. اۋداندا بٸر «تاكسا», وبلىستىق سوتتا بٸر «تاكسا». جوعارعى سوت كەڭەسٸ مىقتى مامانداردى ٸرٸكتەۋٸ تيٸس. مەن تاعى ايتامىن, بٸر جەردەگٸ مەسەلە شەشٸلمەي جاتسا, باسشىنى اۋىستىرۋ قاجەت. تەمٸردەي تەرتٸپ بولۋى شارت. اشىعىن ايتايىن, جاڭادان قويعان ادامداردى بٸردەن اۋىستىرعىم كەلمەيدٸ. بٸراق قاجەت بولسا, سولاي ٸستەۋگە تۋرا كەلەدٸ», - دەپ اتاپ كٶرسەتتٸ ن. نازارباەۆ.
پرەزيدەنتتٸڭ ايتۋىنشا, سوڭعى جىلدارى بٸراز شارالار اتقارىلدى. الايدا باستى تالاپ - حالىقتىڭ سوتتارعا دەگەن سەنٸمٸنە جەتە الماي جاتىرمىز. زاڭ ٷستەمدٸگٸ بولماسا, قازٸرگٸ رەفورمالاردى ٸسكە اسىرۋ مٷمكٸن ەمەس. وسى ورايدا مەملەكەت باسشىسى زاماناۋي تەحنولوگييالاردى كەڭٸنەن قولدانۋدى تاپسىردى. «بٸزدە جىل سايىن 4 ميلليون ادام سوت داۋلارىنا قاتىسادى. وعان قانشاما كٷش-جٸگەر مەن اقشا جۇمسالادى. سوندىقتان ارتىق پروتسەدۋرالاردى قىسقارتۋ قاجەت. ەيتپەسە, وعان ۋاقىت تا, اقشا دا كٶپ كەتەدٸ. مەسەلەن, بۇرىن سوتقا كەلۋگە مٸندەتتەدٸ. قازٸر ٷيدە وتىرىپ, عالامتور ارقىلى سوت وتىرىسىنا قاتىسۋعا بولادى», - دەدٸ ن.نازارباەۆ.
.jpeg)