Prezident Qasym-Jomart Toqaev aqyn, Qazaqstannyń eńbek sińirgen qairatkeri Shómishbai Sarievtiń otbasy men jaqyn týystaryna kóńil aitty, dep habarlaidy Aqorda.
Memleket basshysy Qasym-Jomart Toqaev asa kórnekti aqyn, Qazaqstannyń eńbek sińirgen qairatkeri Shómishbai Naǵashybaiuly Sarievtiń dúnieden ótýine bailanysty onyń otbasy men jaqyn týystaryna kóńil aityp, jedelhat joldady.
«Shómishbai Naǵashybaiuly qazaq poeziiasynyń kóshin alǵa bastaǵan qalamgerdiń biri boldy. Óreli óleńderi men poemalary oqyrmandar tarapynan joǵary baǵasyn aldy. Uzaq jylǵy shyǵarmashylyq jolda jemisti eńbek etip, halqymyzdyń rýhani bailyǵyn damytýǵa mol úles qosty. Marqumnyń jany jánnatta, imany salamat bolsyn», – delingen jedelhatta.
Aita keteiik, búgin Qazaqstannyń eńbek sińirgen qairatkeri Shómishbai Sariev 75 jasqa qaraǵan shaǵynda qaitys boldy.
