Qazaqstan tarapy Qytai men Ortalyq Aziia elderiniń arasyndaǵy shekaralyq aimaqtarda logistikalyq ortalyqtar salýdy jalǵastyrady. Bul týraly QR Prezidenti Qasym-Jomart Toqaev «Ortalyq Aziia – QHR» sammitinde aitty, dep habarlaidy QazAqparat.
«Birlesken kásiporyndar sany artyp keledi. Ónerkásipte, energetikada, mashina jasaýda, aýyl sharýashylyǵynda jáne basqa da salalarda zákirlik jobalar iske asyrylyp jatyr. Birtindep saýda kedergileri de alynyp keledi, ótkizýdiń zamanaýi beketteri ashylyp jatyr. Qosymsha áýe reisteri men temirjol marshrýttary ashylyp jatyr», - dedi Memleket basshysy.
Sondai-aq, ol Qazaqstan kedendik shekarada tártip ornatý boiynsha túbegeili jumystardy bastaǵanyn atady.
«Sonyń ishinde zańsyz shemalar quryp, biznestiń aldyna kedergiler tosqan josyqsyz kásipkerlermen kúresti kúsheitemiz. Quqyqqa qarsy mundai árekettermen kúres jýyq arada nátije beretinine senimdimin. Qazaqstanǵa kiretin import pen úshinshi elderge baǵyttalǵan tasymaldar eshqandai da zardap shekpeitinine sendirgim keledi. Úkimet pen quqyq qorǵaý organdaryna tiisti tapsyrmalar berdim. Shekaralyq aimaqtarda biz kóterme-taratý jáne agro-logistikalyq ortalyqtary bar infraqurylym qurýdy jalǵastyra beremiz. Osynyń bári óńirishilik saýdanyń ósýine jaǵymdy yqpal etýde», - dedi Qasym-Jomart Toqaev.
Aita keteiik, Memleket basshysy Qasym-Jomart Toqaev «Ortalyq Aziia – QHR» sammitine qatysýda.
Sammitke QHR Tóraǵasy Si Tszinpin, Ózbekstan Prezidenti Shavkat Mirziioev, Qyrǵyzstan Prezidenti Sadyr Japparov, Túrikmenstan Prezidenti Gýrbangýly Berdimuhamedov, Tájikstan Prezidenti Emomali Rahmon beinekonferentsiia rejiminde qatysyp otyr.
