Memleket basshysy Parlament Senatynyń Tóraǵasy Máýlen Áshimbaevty qabyldady, dep habarlaidy "Ult aqparat" Aqordaǵa silteme jasap.
Prezidentke Senattyń elimizdegi reformalardy zańnamalyq turǵyda qamtamasyz etý jónindegi jumysy týraly baiandaldy. Atap aitqanda, Adam quqyqtary jónindegi ýákildiń, Konstitýtsiialyq Sottyń, Prokýratýranyń qyzmetin retteitin konstitýtsiialyq zańdardyń jobalary týraly sóz qozǵaldy.
Prezidentke qazirgi ýaqytta senatorlardyń qaraýynda qańtar oqiǵasyna qatysqan keibir azamattarǵa raqymshylyq jasaý týraly zań jobasy men úsh jylǵa arnalǵan respýblikalyq biýdjet jobasy jatqany jóninde málimet berildi.
Máýlen Áshimbaevtyń aitýynsha, Memleket basshysynyń óńirlerdi odan ári damytýǵa baǵyttalǵan tapsyrmalarynyń iske asyrylýyn qamtamasyz etý – Palata jumysynyń negizgi basymdyqtarynyń biri.
Prezident Álemdik jáne dástúrli dinder kóshbasshylary seziniń ideialary men qorytyndy qujatyn odan ári ilgeriletý jáne forýmdy damytýdyń 2023-2033 jyldarǵa arnalǵan tujyrymdamasyn ázirleý jóninde tapsyrma berdi.
