Qazaqstannyń Reseidegi elshiligi 20 qarashada ótetin prezident sailaýynda qazaqstandyqtar daýys bere alatyn sailaý ýchaskeleriniń mekenjaiyn jariialady, - dep habarlaidy "Ult aqparat".
Qazaqstan Respýblikasynyń 18 jasqa tolǵan azamattary Reseidegi Qazaqstan elshiligindegi № 265 sailaý ýchaskesinde daýys berýge qatysa alady.
"Sailaý ýchaskesi Máskeý ýaqyty boiynsha 07:00 – 20:00 aralyǵynda jumys isteidi. Sailaý ýchaskesiniń mekenjaiy: Máskeý qalasy, Chistoprýdnyi býlvary, 3 "A" úi (Qazaqstan Respýblikasy Elshiliginiń ǵimaraty).
Sailaý ýchaskesine kelgen kezde ózimen birge Qazaqstan Respýblikasy azamatynyń pasporty nemese jeke kýáligi bolýy qajet", - delingen habarlamada.
Máskeýden basqa jerlerde, jergilikti ýaqyt boiynsha saǵat 07:00-den 20:00-ge deiin Qazaqstannyń bas konsýldyqtary janyndaǵy sailaý ýchaskelerinde daýys berýge bolady:
- Sankt-Peterbýrg - Ryleev kóshesi, 10 úi, № 290 sailaý ýchaskesi;
- Qazan - Karl Marks kóshesi, 8/13 úi, № 301 sailaý ýchaskesi;
- Astrahan - 1-Arshanskaia kóshesi, 17-úi, № 291 sailaý ýchaskesi;
- Omby - Shoqan Ýálihanov kóshesi, 9 úi, № 292 sailaý ýchaskesi.
Sailaýshylar tizimine engizý úshin qazaqstandyqtar myna siltemedegi formany toltyrýy kerek.
