قازاقستاننىڭ رەسەيدەگٸ ەلشٸلٸگٸ 20 قاراشادا ٶتەتٸن پرەزيدەنت سايلاۋىندا قازاقستاندىقتار داۋىس بەرە الاتىن سايلاۋ ۋچاسكەلەرٸنٸڭ مەكەنجايىن جارييالادى, - دەپ حابارلايدى "ۇلت اقپارات".
قازاقستان رەسپۋبليكاسىنىڭ 18 جاسقا تولعان ازاماتتارى رەسەيدەگٸ قازاقستان ەلشٸلٸگٸندەگٸ № 265 سايلاۋ ۋچاسكەسٸندە داۋىس بەرۋگە قاتىسا الادى.
"سايلاۋ ۋچاسكەسٸ مەسكەۋ ۋاقىتى بويىنشا 07:00 – 20:00 ارالىعىندا جۇمىس ٸستەيدٸ. سايلاۋ ۋچاسكەسٸنٸڭ مەكەنجايى: مەسكەۋ قالاسى, چيستوپرۋدنىي بۋلۆارى, 3 "ا" ٷي (قازاقستان رەسپۋبليكاسى ەلشٸلٸگٸنٸڭ عيماراتى).
سايلاۋ ۋچاسكەسٸنە كەلگەن كەزدە ٶزٸمەن بٸرگە قازاقستان رەسپۋبليكاسى ازاماتىنىڭ پاسپورتى نەمەسە جەكە كۋەلٸگٸ بولۋى قاجەت", - دەلٸنگەن حابارلامادا.
مەسكەۋدەن باسقا جەرلەردە, جەرگٸلٸكتٸ ۋاقىت بويىنشا ساعات 07:00-دەن 20:00-گە دەيٸن قازاقستاننىڭ باس كونسۋلدىقتارى جانىنداعى سايلاۋ ۋچاسكەلەرٸندە داۋىس بەرۋگە بولادى:
- سانكت-پەتەربۋرگ - رىلەەۆ كٶشەسٸ, 10 ٷي, № 290 سايلاۋ ۋچاسكەسٸ;
- قازان - كارل ماركس كٶشەسٸ, 8/13 ٷي, № 301 سايلاۋ ۋچاسكەسٸ;
- استراحان - 1-ارشانسكايا كٶشەسٸ, 17-ٷي, № 291 سايلاۋ ۋچاسكەسٸ;
- ومبى - شوقان ۋەليحانوۆ كٶشەسٸ, 9 ٷي, № 292 سايلاۋ ۋچاسكەسٸ.
سايلاۋشىلار تٸزٸمٸنە ەنگٸزۋ ٷشٸن قازاقستاندىقتار مىنا سٸلتەمەدەگٸ فورمانى تولتىرۋى كەرەك.
