Prezident Premer-Ministrdiń orynbasary – Saýda jáne integratsiia ministri Serik Jumanǵarindi qabyldady, dep habarlaidy "Ult aqparat" Aqordaǵa silteme jasap.
Memleket basshysyna saýda saiasatyn damytýdyń jańa tásilderi týraly málimet berildi. Qazirgi ýaqytta saýda-sattyq salasy elimizdegi jalpy ishki ónim qurylymynda (18,3%), jumyspen qamtylǵan adamdar (1,45 million) men biznes sýbektileriniń sany (551 myń adam) jóninen birinshi orynda tur. Sonymen qatar sala bir sýbektige shaqqandaǵy paida mólsheri jáne negizgi kapitalǵa salynǵan investitsiialar deńgeii boiynsha artta keledi.
Usynylǵan tásilder ishki naryqty qorǵaýǵa, óz óndirisimizdi qoldaýǵa jáne taýar ótkizetin jańa naryqtar ashýǵa baǵyttalǵan. Budan bólek, elektrondy kommertsiiany damytý, transshekaralyq jáne iri saýda-logistikalyq habtardy salý kózdelip otyr.
Kezdesý barysynda elimizdiń integratsiialyq odaqtardaǵy qyzmeti men erkin saýda aimaqtaryn qurý máseleleri qarastyryldy. Serik Jumanǵarin Qazaqstan delegatsiiasynyń Iranǵa sapary kezinde qol jetkizilgen ýaǵdalastyqtar týraly esep berdi.
Memleket basshysy saýda-sattyqtyń jańa formattaryn engizý jumystaryn kúsheitý jóninde tapsyrma berdi. Sondai-aq halyqaralyq naryqtardaǵy ulttyq ekonomikalyq múddeni belsendi túrde qorǵaý qajettigin atap ótti.
