QR Prezidenti Qasym-Jomart Toqaev Úkimettiń keńeitilgen otyrysynda «Samuryq-Qazyna» ulttyq ál-aýqat qoryn reformalaý máselesine 10 kúnnen keiin qaita oralatynyn aitty, dep habarlaidy QazAqparat.
«Samuryq-Qazyna» qory boiynsha reformalardy iske asyrý josparyn 10 kúnnen keiin qaita tolyǵyraq talqylaityn bolamyz. Ol reformalar óte mańyzdy. Men Májilistiń otyrysynda sóilegen sózimde qordy shyndap qaita qurylymdaý qajettigine basa nazar aýdardym», - dedi Memleket basshysy.
Prezident qor jumysyn reformalaýda qandai máselelerge basty nazar aýdarý kerektigin qaitalap eske saldy.
«Birinshiden, bul, árine, memlekettik satyp alýdyń ashyqtyǵy. Bul týraly men osymen úshinshi jyl aityp kelemin. Ázirge shynaiy ózgeristerge qol jetkizile qoiǵan joq. Onymen birge bul tenderdi ashyq ótkizýge de bailanysty. «Samuryq-Qazyna» qurylys jáne qaita jaraqtaý salasynda aýqymdy jumys atqarady. Ádette belgili bir kompaniialar ǵana tenderdi utyp, keiin jumysty qosalqy merdigerlerge beredi. Bul, árine, birinshiden - jumystyń sapasyna, ekinshiden baǵa ólshemderine qatty áser etedi», - dedi Toqaev.
