Memleket basshysy Ál-Farabi atyndaǵy Oqýshylar saraiynyń ǵimaratynda ornalasqan sailaý ýchaskesine baryp, respýblikalyq referendýmda daýys berdi, dep habarlaidy "Ult aqparat" Aqordaǵa silteme jasap.
Jalpyulttyq referendým arqyly Konstitýtsiiaǵa ózgerister men tolyqtyrýlardyń engizilýi – búgingi asa mańyzdy sharanyń basty ereksheligi. Buǵan deiin Ata zańǵa ózgerister men tolyqtyrýlar engizý jónindegi sheshimdi Parlament qabyldaityn.
Qasym-Jomart Toqaev daýys bergennen keiin otandyq buqaralyq aqparat quraldarynyń ókilderi úshin brifing ótkizdi. Memleket basshysy qazaqstandyqtardy ótip jatqan referendýmmen quttyqtady.
– Búgin - elimiz úshin, shyn máninde, tarihi kún. Halqymyz betburysty sheshim qabyldamaq. Eshqandai májbúrlik joq. Referendým joǵary deńgeide uiymdastyrylǵan, – dedi Qazaqstan Prezidenti.
Sodan keiin Memleket basshysy konstitýtsiialyq reformanyń negizgi maqsattary men mindetterine qatysty jýrnalisterdiń birqatar ózekti saýalyna jaýap berdi.
