مەملەكەت باسشىسى ەل-فارابي اتىنداعى وقۋشىلار سارايىنىڭ عيماراتىندا ورنالاسقان سايلاۋ ۋچاسكەسٸنە بارىپ, رەسپۋبليكالىق رەفەرەندۋمدا داۋىس بەردٸ, دەپ حابارلايدى "ۇلت اقپارات" اقورداعا سٸلتەمە جاساپ.
جالپىۇلتتىق رەفەرەندۋم ارقىلى كونستيتۋتسيياعا ٶزگەرٸستەر مەن تولىقتىرۋلاردىڭ ەنگٸزٸلۋٸ – بٷگٸنگٸ اسا ماڭىزدى شارانىڭ باستى ەرەكشەلٸگٸ. بۇعان دەيٸن اتا زاڭعا ٶزگەرٸستەر مەن تولىقتىرۋلار ەنگٸزۋ جٶنٸندەگٸ شەشٸمدٸ پارلامەنت قابىلدايتىن.
قاسىم-جومارت توقاەۆ داۋىس بەرگەننەن كەيٸن وتاندىق بۇقارالىق اقپارات قۇرالدارىنىڭ ٶكٸلدەرٸ ٷشٸن بريفينگ ٶتكٸزدٸ. مەملەكەت باسشىسى قازاقستاندىقتاردى ٶتٸپ جاتقان رەفەرەندۋممەن قۇتتىقتادى.
– بٷگٸن - ەلٸمٸز ٷشٸن, شىن مەنٸندە, تاريحي كٷن. حالقىمىز بەتبۇرىستى شەشٸم قابىلداماق. ەشقانداي مەجبٷرلٸك جوق. رەفەرەندۋم جوعارى دەڭگەيدە ۇيىمداستىرىلعان, – دەدٸ قازاقستان پرەزيدەنتٸ.
سودان كەيٸن مەملەكەت باسشىسى كونستيتۋتسييالىق رەفورمانىڭ نەگٸزگٸ ماقساتتارى مەن مٸندەتتەرٸنە قاتىستى جۋرناليستەردٸڭ بٸرقاتار ٶزەكتٸ ساۋالىنا جاۋاپ بەردٸ.
