Foto: Akorda.kz
Prezident "Atameken" UKP prezidiýmynyń tóraǵasy Raiymbek Batalovty qabyldady, - dep habarlaidy "Ult aqparat" Aqorda saityna silteme jasap.
Memleket basshysyna otandyq kásipkerlikti qoldaý jáne damytý jóninde atqarylyp jatqan jumystar, memleket pen biznes arasyndaǵy yntymaqtastyq, Ulttyq kásipkerler palatasyn transformatsiialaýdyń negizgi baǵyttary týraly baiandaldy.
Raiymbek Batalov palatanyń fýnktsiiasyna jatpaityn qyzmetterge taldaý jasalyp, qysqartylǵanyn, olardyń básekelik ortaǵa berilgenin, sondai-aq Ulttyq kásipkerler palatasynyń biýdjet baǵdarlamasyna táýeldiligi túbegeili azaiǵanyn jetkizdi.
Kezdesý barysynda elimizdegi kásipkerlikti damytýdyń negizgi baǵyttaryna erekshe nazar aýdaryldy. Joǵary áleýmettik jaýapkershilik, adaldyq, salyq adaldyǵy, ekologiialyq talaptardy saqtaý jáne basqa mańyzdy qaǵidattardy berik ustanatyn kásipkerlerdiń jańa býyny paida bolý úshin jaǵdai jasaý qajettigi aityldy.
Qazirgi ýaqytta Palata meilinshe jedel sheshýdi qajet etetin jáne strategiialyq basymdyqqa ie máselelerdi anyqtaý úshin tereń taldaý júrgizip jatyr. Atalǵan túitkilderdiń Úkimetpen jáne ákimdiktermen tyǵyz seriktestikte sheshilýi ekonomikany tiimdi ártaraptandyrýǵa, jańa ekonomikalyq saiasatty júzege asyrýǵa jáne qolaily biznes ahýal qalyptastyrýǵa septigin tigizedi.
Prezident Ulttyq kásipkerler palatasynyń esebin tyńdap, strategiialyq sheshimder qabyldaý kezinde biznestiń múddesin eskerý mańyzdy ekenin, sondai-aq otandyq kásipkerlikti damytýdy yntalandyrý úshin usynylǵan sharalar men "Atamekendi" transformatsiialaý tásilderiniń ózektiligin atap ótti.
