Memleket basshysy Qasym-Jomart Toqaev óndiristik qyzmettegi airyqsha eńbegi men otandyq ónerkásipti damytýǵa qosqan zor úlesi úshin «Kazakhmys Smelting» JShS Jezqazǵan mys balqytý zaýytynyń balqytýshysy Ábdirashit Dospanovqa vysshaia stepen otlichiia — «Qazaqstannyń Eńbek Eri» ataǵyn berý týraly Jarlyqqa qol qoidy. Marapatpen birge bilikti metallýrgke airyqsha erekshelik belgisi — Altyn juldyz ben «Otan» ordeni saltanatty túrde tabystaldy, dep habarlaidy Ult.kz.
Prezident 40 jyldan astam ýaqyt boiy óndiriske adal qyzmet etip, áke jolyn laiyqty jalǵastyryp kele jatqan eńbek ardageriniń úlesin erekshe atap ótti. Óz kezeginde bilikti maman jyldar boiy jinaqtaǵan bai kásibi tájiribesi men sheberligin jas mamandarǵa turaqty túrde úiretip, zaýytta myqty sabaqtastyq qalyptastyrdy.
«Óziniń kásibi sheberligi men eńbekke adaldyǵynyń arqasynda ol zor jetistikterge jetip, elimizdiń damýyna eleýli úles qosty», — dep atap ótti Qasym-Jomart Toqaev.
Bul joǵary memlekettik nagrada — Ábdirashit Dospanovtyń kópjyldyq mańdai teri men adal eńbeginiń laiyqty baǵalanýy ǵana emes, sonymen birge kúndelikti qajyrly jumysymen otandyq indýstriianyń negizin qalap júrgen barsha eńbek adamdaryna memleket tarapynan kórsetilgen zor qurmettiń aiqyn belgisi.
