Foto: Akorda.kz
Prezident Petrovietnam memlekettik korporatsiiasy direktorlar keńesiniń tóraǵasy Hoang Kýok Vyongpen kezdesti, dep habarlaidy "Ult aqparat" Aqordanyń resmi saityna silteme jasap.
Kompaniia – Ońtústik Shyǵys Aziianyń munai-gaz ónerkásibindegi basty oiynshylardyń biri. Aktivteriniń jalpy quny 40 millliard dollarǵa baǵalanady.
Kezdesý barysynda energetika jáne munai-gaz himiiasy salalaryndaǵy yntymaqtastyq perspektivalary talqylandy.
Memleket basshysy munai men gaz óńdeý jáne geologiialyq barlaý salalaryndaǵy jobalardy júzege asyrýǵa qyzyǵýshylyq tanytqan investorlarǵa salyqtyq jáne kedendik jeńildikter usyný múmkindikteri bar ekenine nazar aýdardy.
Óz kezeginde Hoang Kýok Vyong Qasym-Jomart Toqaevqa kompaniianyń energetika jáne munai himiiasy salalarynda júzege asyryp jatqan jobalary týraly baiandady.
