Foto: Aqorda
Búgin Memleket basshysy Qasym-Jomart Toqaev ustazdardyń Respýblikalyq tamyz konferentsiiasynda sóz sóilep, muǵalimderdiń quqyqtaryn qorǵaý men mártebesin arttyrýdyń mańyzdylyǵyna toqtaldy, dep habarlaidy Ult.kz.
Prezidenttiń aitýynsha, pedagogterdiń óz mindetine jatpaityn jumystarǵa tartylýyna jol bermeý kerek. Degenmen keide jergilikti bilik ókilderi bul talapty óreskel buzyp otyrǵanyn aitty.
«Prokýratýra organdary mundai zań buzýshylyqtarǵa tosqaýyl qoiýy tiis», – dedi Qasym-Jomart Toqaev.
Memleket basshysy balalarǵa qatysty kez kelgen jazataiym jaǵdai úshin muǵalimdi jazalaýdy orynsyz dep sanaitynyn jetkizdi. Ol Almaty oblysyndaǵy túlekter arasyndaǵy qaiǵyly jaǵdaidan keiin direktor men muǵalimderdi jumystan bosatý – qate sheshim bolǵanyn atap ótti.
Sondai-aq Prezident «Pedagog mártebesi týraly» zańǵa ustazdardyń quqyǵyn qorǵaýǵa baǵyttalǵan ózgerister engizý qajettigin aitty. Memlekettiń basty mindeti – muǵalimniń qoǵamdaǵy bedeli men mártebesin barynsha arttyrý.
Toqaev Mańǵystaýdaǵy oqýshylardyń sapasyz tamaqtan ýlaný oqiǵasyna da toqtaldy. Osy jaǵdaidan keiin mektep ashanalaryna baqylaý jasaý fýnktsiiasy Densaýlyq saqtaý ministrligine berilgenin, bul – durys sheshim ekenin atap ótti.
«Balalardyń amandyǵy, olardyń densaýlyǵy jáne sapaly bilim alýy – elimizdiń keleshegine tikelei qatysty másele», – dedi Memleket basshysy.
