فوتو: اقوردا
بٷگٸن مەملەكەت باسشىسى قاسىم-جومارت توقاەۆ ۇستازداردىڭ رەسپۋبليكالىق تامىز كونفەرەنتسيياسىندا سٶز سٶيلەپ, مۇعالٸمدەردٸڭ قۇقىقتارىن قورعاۋ مەن مەرتەبەسٸن ارتتىرۋدىڭ ماڭىزدىلىعىنا توقتالدى, دەپ حابارلايدى Ult.kz.
پرەزيدەنتتٸڭ ايتۋىنشا, پەداگوگتەردٸڭ ٶز مٸندەتٸنە جاتپايتىن جۇمىستارعا تارتىلۋىنا جول بەرمەۋ كەرەك. دەگەنمەن كەيدە جەرگٸلٸكتٸ بيلٸك ٶكٸلدەرٸ بۇل تالاپتى ٶرەسكەل بۇزىپ وتىرعانىن ايتتى.
«پروكۋراتۋرا ورگاندارى مۇنداي زاڭ بۇزۋشىلىقتارعا توسقاۋىل قويۋى تيٸس», – دەدٸ قاسىم-جومارت توقاەۆ.
مەملەكەت باسشىسى بالالارعا قاتىستى كەز كەلگەن جازاتايىم جاعداي ٷشٸن مۇعالٸمدٸ جازالاۋدى ورىنسىز دەپ سانايتىنىن جەتكٸزدٸ. ول الماتى وبلىسىنداعى تٷلەكتەر اراسىنداعى قايعىلى جاعدايدان كەيٸن ديرەكتور مەن مۇعالٸمدەردٸ جۇمىستان بوساتۋ – قاتە شەشٸم بولعانىن اتاپ ٶتتٸ.
سونداي-اق پرەزيدەنت «پەداگوگ مەرتەبەسٸ تۋرالى» زاڭعا ۇستازداردىڭ قۇقىعىن قورعاۋعا باعىتتالعان ٶزگەرٸستەر ەنگٸزۋ قاجەتتٸگٸن ايتتى. مەملەكەتتٸڭ باستى مٸندەتٸ – مۇعالٸمنٸڭ قوعامداعى بەدەلٸ مەن مەرتەبەسٸن بارىنشا ارتتىرۋ.
توقاەۆ ماڭعىستاۋداعى وقۋشىلاردىڭ ساپاسىز تاماقتان ۋلانۋ وقيعاسىنا دا توقتالدى. وسى جاعدايدان كەيٸن مەكتەپ اسحانالارىنا باقىلاۋ جاساۋ فۋنكتسيياسى دەنساۋلىق ساقتاۋ مينيسترلٸگٸنە بەرٸلگەنٸن, بۇل – دۇرىس شەشٸم ەكەنٸن اتاپ ٶتتٸ.
«بالالاردىڭ اماندىعى, ولاردىڭ دەنساۋلىعى جەنە ساپالى بٸلٸم الۋى – ەلٸمٸزدٸڭ كەلەشەگٸنە تٸكەلەي قاتىستى مەسەلە», – دەدٸ مەملەكەت باسشىسى.
