Foto: aqorda.kz
Memleket basshysy «Qazaqstan Respýblikasynyń orta bilim berý júiesine jasandy intellektini endirý jónindegi sharalar týraly» Jarlyqqa qol qoidy, dep habarlaidy Ult.kz.
Jarlyqtyń negizgi maqsaty – jasandy intellekt jedel damyp kele jatqan kezeńde Qazaqstan Respýblikasynyń órkendeýin qamtamasyz etip, adami kapitaldy ilgeriletýge úles qosatyn zamanaýi, innovatsiialyq bilim berý júiesin qalyptastyrýǵa jaǵdai jasaý.
Jarlyqqa sáikes Qazaqstan Respýblikasynyń Úkimeti 2026 jyldyń 1 shildesine deiin derbes oqytý tetigin, tsifrlyq infraqurylymdy, pedagog kadrlar daiarlaýdy, bilim alýshylardyń jeke málimetterin qorǵaýdy kózdeitin Orta bilim berý júiesine jasandy intellektini engizýdiń 2026-2029 jyldarǵa arnalǵan keshendi is-sharalar josparyn bekitedi.
Jarlyqta Jasandy intellektini damytý jónindegi keńestiń múshesi Li Kai-Fýdiń usynymdaryn jumys barysynda qoldaný qarastyrylǵan. Úkimet qala men aýyl mektepteri arasynda bilim berý sapasynyń alshaqtyǵyn qysqartý maqsatynda 2026 jyldyń 1 maýsymyna deiin orta bilim berý salasyndaǵy pilottyq jobany iske asyrý, ony odan ári keńinen taratý jóninde naqty usynystar engizýge tiis.
2026 jyldyń 1 tamyzyna deiin pilottyq jobany iske asyrý aiasynda mektepter tehnikalyq turǵydan jaraqtandyrylady, sonyń ishinde turaqty, jyldamdyǵy joǵary internetpen qamtamasyz etiledi.
2026 jyldyń 1 qyrkúiegine deiin orta bilim berý júiesinde jasandy intellektini qoldaný standarttary bekitiledi.
Sondai-aq 2026 jyldyń 1 qyrkúiegine deiin pedagogterdiń kásibi turǵydan úzdiksiz damýyn kózdei otyryp, olardyń qyzmetine nuqsan keltirmei ári almastyrmai jasandy intellekt tehnologiialaryn bilim berý protsesinde qosymsha tiimdi qural retinde paidalanýdy qamtamasyz etetin sharalar jospary qabyldanady.
