فوتو: aqorda.kz
مەملەكەت باسشىسى «قازاقستان رەسپۋبليكاسىنىڭ ورتا بٸلٸم بەرۋ جٷيەسٸنە جاساندى ينتەللەكتٸنٸ ەندٸرۋ جٶنٸندەگٸ شارالار تۋرالى» جارلىققا قول قويدى, دەپ حابارلايدى Ult.kz.
جارلىقتىڭ نەگٸزگٸ ماقساتى – جاساندى ينتەللەكت جەدەل دامىپ كەلە جاتقان كەزەڭدە قازاقستان رەسپۋبليكاسىنىڭ ٶركەندەۋٸن قامتاماسىز ەتٸپ, ادامي كاپيتالدى ٸلگەرٸلەتۋگە ٷلەس قوساتىن زاماناۋي, يننوۆاتسييالىق بٸلٸم بەرۋ جٷيەسٸن قالىپتاستىرۋعا جاعداي جاساۋ.
جارلىققا سەيكەس قازاقستان رەسپۋبليكاسىنىڭ ٷكٸمەتٸ 2026 جىلدىڭ 1 شٸلدەسٸنە دەيٸن دەربەس وقىتۋ تەتٸگٸن, تسيفرلىق ينفراقۇرىلىمدى, پەداگوگ كادرلار دايارلاۋدى, بٸلٸم الۋشىلاردىڭ جەكە مەلٸمەتتەرٸن قورعاۋدى كٶزدەيتٸن ورتا بٸلٸم بەرۋ جٷيەسٸنە جاساندى ينتەللەكتٸنٸ ەنگٸزۋدٸڭ 2026-2029 جىلدارعا ارنالعان كەشەندٸ ٸس-شارالار جوسپارىن بەكٸتەدٸ.
جارلىقتا جاساندى ينتەللەكتٸنٸ دامىتۋ جٶنٸندەگٸ كەڭەستٸڭ مٷشەسٸ لي كاي-فۋدٸڭ ۇسىنىمدارىن جۇمىس بارىسىندا قولدانۋ قاراستىرىلعان. ٷكٸمەت قالا مەن اۋىل مەكتەپتەرٸ اراسىندا بٸلٸم بەرۋ ساپاسىنىڭ الشاقتىعىن قىسقارتۋ ماقساتىندا 2026 جىلدىڭ 1 ماۋسىمىنا دەيٸن ورتا بٸلٸم بەرۋ سالاسىنداعى پيلوتتىق جوبانى ٸسكە اسىرۋ, ونى ودان ەرٸ كەڭٸنەن تاراتۋ جٶنٸندە ناقتى ۇسىنىستار ەنگٸزۋگە تيٸس.
2026 جىلدىڭ 1 تامىزىنا دەيٸن پيلوتتىق جوبانى ٸسكە اسىرۋ اياسىندا مەكتەپتەر تەحنيكالىق تۇرعىدان جاراقتاندىرىلادى, سونىڭ ٸشٸندە تۇراقتى, جىلدامدىعى جوعارى ينتەرنەتپەن قامتاماسىز ەتٸلەدٸ.
2026 جىلدىڭ 1 قىركٷيەگٸنە دەيٸن ورتا بٸلٸم بەرۋ جٷيەسٸندە جاساندى ينتەللەكتٸنٸ قولدانۋ ستاندارتتارى بەكٸتٸلەدٸ.
سونداي-اق 2026 جىلدىڭ 1 قىركٷيەگٸنە دەيٸن پەداگوگتەردٸڭ كەسٸبي تۇرعىدان ٷزدٸكسٸز دامۋىن كٶزدەي وتىرىپ, ولاردىڭ قىزمەتٸنە نۇقسان كەلتٸرمەي ەرٸ الماستىرماي جاساندى ينتەللەكت تەحنولوگييالارىن بٸلٸم بەرۋ پروتسەسٸندە قوسىمشا تيٸمدٸ قۇرال رەتٸندە پايدالانۋدى قامتاماسىز ەتەتٸن شارالار جوسپارى قابىلدانادى.
