Foto: Akorda.kz
Memleket basshysy Mercedes-Benz Group kompaniiasynyń basqarma tóraǵasy Ola Kalleniýspen kezdesti, dep habarlaidy "Ult aqparat" Aqordanyń resmi saityna silteme jasap.
Kezdesýde avtokólik indýstriiasy jáne innovatsiialyq sheshimder salalaryndaǵy yntymaqtastyq perspektivalary talqylandy.
Prezident Qazaqstannyń ekonomikany ártaraptandyrýǵa jáne ónerkásip óndirisin damytýǵa umtylatynyn atap ótti. Bul strategiiada mashina jasaý salasy erekshe oryn alady.
Qasym-Jomart Toqaev qazirgi tańda elimizde General Electric, General Motors, Chevrolet, Kia jáne Hyundai sekildi tanymal álemdik kompaniialar tabysty jumys istep jatqanyn aitty. Byltyr Qazaqstanda óndirilgen avtomobil sany 100 myńnan asyp, 28 paiyzǵa ulǵaiǵan. Eksport eki ese ósip, 3,8 milliard dollarǵa jetken.
Nemis avtokontserniniń basshysy Prezidentke kompaniianyń jahandyq jetkizý tizbegin damytý isindegi tyń tásilder jáne Qazaqstan ekonomikasy úshin ashylatyn jańa múmkindikter týraly málimet berdi.
Mercedes-Benz Group – álemdegi avtokólik óndiretin jetekshi kompaniialardyń biri. 2022 jyly kompaniia 2,5 millionǵa jýyq avtomobil qurastyryp shyǵarǵan. Byltyr Mercedes-Benz Group álemdegi eń iri kompaniialardyń Forbes Global 2000 tiziminde 41-orynǵa, al Fortune Global 500 tiziminde 38-orynǵa ie bolǵan.
