Prezident Qasym-Jomart Toqaev meditsinalyq qondyrǵylardy satyp alý júiesin ortalyqtandyrý týraly pikir bildirdi, dep habarlaidy QazAqparat.
«Virýspen kúres aiasynda densaýlyq kórsetkishteri kúrt túsip ketti. Analardyń ólimi úshten birge, júrek aýrýlarynan týyndaityn ólim-jitim 40 paiyzǵa ósti. Buǵan ásirese reanimatsiialyq bólimsheleri men jedel járdemniń jabdyqtalý deńgeiiniń tómendigi de áser etip otyr. Densaýlyq saqtaý uiymdaryn qajetti qondyrǵylarmen jabdyqtaýdy jedel uiymdastyrýǵa basy artyq protsedýralar jii múmkindik bermeýde», - dedi Memleket basshysy.
Sondai-aq, ol qajetti quraldardyń der kezinde jetpei jatýyna jemqorlyq táýekelderdiń de qatysy bar ekenin atady.
«Meditsinalyq ónimderdiń saraptamasy men tirkelýi joǵary jemqorlyq táýekeldermen bailanysty. Qondyrǵylardyń qunyn aqylǵa qonymsyz túsirý de jabdyqtaý deńgeiiniń tómen bolýyna áser etip otyr. Bir buiymnyń baǵasy óńir-óńirde, tipti keide bir óńirdegi klinikalarda ár túrli bolyp jatady. Mysaly júrek qalqanshasynyń jasandy qurylǵysy 165 myńnan 600 myń teńgege deiin qubylady. Koronarlyq stendterdiń baǵasy 150 myńnan 500 myń teńgege deiin ózgeredi. Bálkim meditsinalyq qondyrǵylardy satyp alý dári-dármekterdi «SQ Farmatsiia» arqyly satyp alýdyń úlgisimen ortalyqtandyrý kerek shyǵar. Aitpaqshy, bul kompaniianyń jumysynda belgili bir ilgerileý bar», - dedi Prezident.
