پرەزيدەنت قاسىم-جومارت توقاەۆ مەديتسينالىق قوندىرعىلاردى ساتىپ الۋ جٷيەسٸن ورتالىقتاندىرۋ تۋرالى پٸكٸر بٸلدٸردٸ, دەپ حابارلايدى قازاقپارات.
«ۆيرۋسپەن كٷرەس اياسىندا دەنساۋلىق كٶرسەتكٸشتەرٸ كٷرت تٷسٸپ كەتتٸ. انالاردىڭ ٶلٸمٸ ٷشتەن بٸرگە, جٷرەك اۋرۋلارىنان تۋىندايتىن ٶلٸم-جٸتٸم 40 پايىزعا ٶستٸ. بۇعان ەسٸرەسە رەانيماتسييالىق بٶلٸمشەلەرٸ مەن جەدەل جەردەمنٸڭ جابدىقتالۋ دەڭگەيٸنٸڭ تٶمەندٸگٸ دە ەسەر ەتٸپ وتىر. دەنساۋلىق ساقتاۋ ۇيىمدارىن قاجەتتٸ قوندىرعىلارمەن جابدىقتاۋدى جەدەل ۇيىمداستىرۋعا باسى ارتىق پروتسەدۋرالار جيٸ مٷمكٸندٸك بەرمەۋدە», - دەدٸ مەملەكەت باسشىسى.
سونداي-اق, ول قاجەتتٸ قۇرالداردىڭ دەر كەزٸندە جەتپەي جاتۋىنا جەمقورلىق تەۋەكەلدەردٸڭ دە قاتىسى بار ەكەنٸن اتادى.
«مەديتسينالىق ٶنٸمدەردٸڭ ساراپتاماسى مەن تٸركەلۋٸ جوعارى جەمقورلىق تەۋەكەلدەرمەن بايلانىستى. قوندىرعىلاردىڭ قۇنىن اقىلعا قونىمسىز تٷسٸرۋ دە جابدىقتاۋ دەڭگەيٸنٸڭ تٶمەن بولۋىنا ەسەر ەتٸپ وتىر. بٸر بۇيىمنىڭ باعاسى ٶڭٸر-ٶڭٸردە, تٸپتٸ كەيدە بٸر ٶڭٸردەگٸ كلينيكالاردا ەر تٷرلٸ بولىپ جاتادى. مىسالى جٷرەك قالقانشاسىنىڭ جاساندى قۇرىلعىسى 165 مىڭنان 600 مىڭ تەڭگەگە دەيٸن قۇبىلادى. كورونارلىق ستەندتەردٸڭ باعاسى 150 مىڭنان 500 مىڭ تەڭگەگە دەيٸن ٶزگەرەدٸ. بەلكٸم مەديتسينالىق قوندىرعىلاردى ساتىپ الۋ دەرٸ-دەرمەكتەردٸ «سق فارماتسييا» ارقىلى ساتىپ الۋدىڭ ٷلگٸسٸمەن ورتالىقتاندىرۋ كەرەك شىعار. ايتپاقشى, بۇل كومپانييانىڭ جۇمىسىندا بەلگٸلٸ بٸر ٸلگەرٸلەۋ بار», - دەدٸ پرەزيدەنت.
