Parlament Senatynyń depýtaty Baqytjan Jumaǵulov búgin VII shaqyrylymdaǵy Parlamenttiń birinshi sessiiasynda Memleket basshysy Qasym-Jomart Toqaevtyń tapsyrmalaryna qatysty pikir bildirdi, dep habarlaidy "Ult aqparat".
«Prezident Qasym-Jomart Toqaev búgingi Parlament sessiiasynyń ashylýynda sóilegen sózinde Elbasy Nursultan Ábishuly Nazarbaev júrgizgen strategiialyq saiasi baǵyt sabaqtastyǵyn tabady degen naqty ustanymyn aityp ótti. Eń bastysy, elimizdiń Prezidenti óziniń sózinde saiasi reformalardyń jalǵasyn tabatynyna naqty toqtalyp ótti», - dedi B. Jumaǵulov.
Sonymen qatar senator saiasi partiialardyń Májiliske ótý shegin 7-den 5 paiyzǵa tómendetý, taǵy da basqa jeńildikterdi berý týraly óziniń naqty usynystaryn aityp ótkenin jetkizdi.
«Búgingi Prezidenttiń sózinde adam quqyǵy týraly da aityldy. Adam quqyǵyna qatysty biz qandai sharalar qoldanýymyz kerek, qandai jobalar qabyldanýy kerek? Osy týraly Qasym-Jomart Kemeluly naqty aityp ótti. Al endi osynyń bári ary barǵanda adami kapitalǵa kiredi. Ol degenimiz, Prezidenttiń tapsyrmasy boiynsha ulttyq joba ázirlenýi tiis degen sóz. Eń bastysy, bizdiń bilim salasynda sapaǵa kóńil bólý kerek. Álemdik trendke súiene otyryp, ózimizdiń ulttyq júieni, ulttyq bilim salasyn jaqsartýǵa, sondai-aq orta bilim bolsyn, bizdiń kolledj, ýniversitetterdiń maman daiarlaý sapasyn kóterýimiz kerek. Osyǵan naqty kómektesýimiz kerek, osyndai joba qabyldansa bizdiń bilim salasy da ary qarai damidy degen úlken senimdemiz. Osy saiasi reformalar, adami kapital men adam quqyǵy jáne taǵy basqa máselelerge orai búgin Prezident naqty tapsyrma berdi», - dedi B. Jumaǵulov.
«Zańdy túrde sapaly zańdardy qabyldap, osyny ómirge engizýge, iske asyrýǵa Parlamentke tapsyryp otyr. Taǵy bir nárse aitaiyn degenim, bul jerde, iaǵni Parlamentte kóp másele sheshiledi», - deidi senator.
