Memleket basshysy Qasym-Jomart Toqaev Qyzylorda oblysynda bolǵan avtobýs apatynan qaza tapqandardyń týystaryna kóńil aitty, – dep habarlaidy «Ult aqparat».
«Qyzylorda oblysynda avtobýs apatynan qaza tapqan adamdardyń týystarynyń qaiǵysyna ortaqtasyp, kóńil aitamyn. Zardap shekkenderdiń otbasylaryna qajetti kómek kórsetiledi. Jol qaýipsizdigi tiisti vedomstvolar men ákimdikterdiń erekshe nazarynda bolýy tiis» dep jazdy Qasym-Jomart Toqaev Twitter paraqshasynda.
Esterińizge sala ketelik, atalmysh oqiǵa búgin tańǵy 04.30 shamasynda boldy. Oqiǵa saldarynan 8 adam qaza taýyp, 21 adam emdeý oryndaryna jatqyzyldy. Oqiǵaǵa bailanysty QR Ishki ister ministrligi túsinik berdi.
Sondai-aq, segiz adamnyń ómirin qiǵan «Qyzylorda-Qumkól» jolyndaǵy avtobýs apatyna bailanysty qylmystyq is qozǵaldy.
