Memleket basshysy Konstitýtsiialyq Keńestiń Tóraǵasy Qairat Mámidi qabyldady, dep habarlaidy Aqordanyń baspasóz qyzmeti.
Qasym-Jomart Toqaevqa Qazaqstan Respýblikasy Konstitýtsiiasynyń 25 jyldyǵyna orai ótken sharalardyń qorytyndysy jaiynda baiandaldy.
Konstitýtsiialyq Keńes Tóraǵasynyń aitýynsha, Ata Zańnyń mereitoilyq is-sharalaryn uiymdastyrý jáne ótkizý jónindegi Ulttyq jospar koronavirýs pandemiiasy týdyrǵan qiynshylyqtarǵa qaramastan júzege asqan.
Prezidentke mereitoi sheńberinde ótken is-sharalar qorytyndysy boiynsha Ata Zańnyń áleýetin jan-jaqty iske asyrý jáne eldegi konstitýtsiialyq zańdylyq júiesin nyǵaitýǵa baǵyttalǵan usynystar týraly aqparat berildi.
Usynystardyń bir bóligi Konstitýtsiialyq Keńestiń quqyqtyq negizin odan ári jetildirý jáne azamattardyń konstitýtsiialyq quqyqtaryn qorǵaý kepildigin kúsheitýge bailanysty kelip túsken.
Qasym-Jomart Toqaev Konstitýtsiia Qazaqstannyń memlekettiligi men elimizdiń strategiialyq damýynyń negizi ekenin aitty. Táýelsizdiktiń 30 jyldyǵy aiasynda memlekettik organdar men azamattar konstitýtsiialyq talaptardy tereń túsinýi jáne ony basshylyqqa alýy kerek.
