- Qazaqstandaǵy biznesmenderde millioner ákeleri bolǵan joq. Bul týraly búgin elordada Qazaqstan Táýelsizdiginiń 25 jyldyq mereitoiyna arnalǵan saltanatty jiynda Elbasy Nursultan Nazarbaev málim etti, dep habarlaidy Ult.kz tilshisi QazAqparat agenttigine silteme jasap.
«Búginde qalyptasqan biznesmenderimizde múliktikti mura qaldyryp, bastapqy kapital bólip bergen millioner ákeleri bolǵan joq. Olar óz kúshimen sýyrylyp shyqty. Óziniń eńbegimen iskerligin jáne eldiń bolashaǵyn qurǵan eńbekqor adamdar reformalardyń qundylyǵyn arttyrǵanyn únemi aityp júrmin», - dedi Elbasy.
Osy oraida Prezident qazirgi kezde bundai adamdar elimizde ómir súrip jatqandyqtan Qazaqstan óziniń kúsh-qýatyna senimdi ekenin atap ótti.
«Memlekettiń saiasatyn paidalanyp, dáýletin arttyryp, aýqatty bolǵany óte jaqsy. Al endi sol kezde halyqqa bet buryp, elge kómekteskeni úshin barsha is adamdaryna rizashylyǵymdy taǵy da bir aitamyn», - dedi N. Nazarbaev.
.jpeg)