Halyq densaýlyǵynyń shynaiy kórsetkishterin bilýge tiispiz. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Pandemiia kezinde meditsinalyq statistikanyń naqtylyǵyna qatysty másele ótkir boldy. Óńirler reiting qýyp jáne jazadan qoryqqandyqtan istiń shynaiy mán-jaiyn jasyryp, qarajatty tozańǵa ainaldyrdy jáne qabyldanǵan kúsh-jigerdiń barlyǵyn joqqa shyǵardy. Patsientterdiń taǵdyry tikelei bailanysty negizdelgen basqarýshylyq sheshimder qabyldaý úshin halyq densaýlyǵynyń shynaiy kórsetkishterin bilýge mindettimiz» - dedi Memleket basshysy.
QR Prezidenti barlyq óńirler men jas toptarynyń sheginde syrqattanýdyń shynaiy kartinasy boiynsha senimdi zertteý statistikasyn shuǵyl uiymdastyrý qajettigin basa aitty.
«Ol bir aidyń ishinde júrgizilýi tiis jáne únemi jańaryp otyrýy qajet. Bul oqýshylardyń bilim alý rejimin aiqyndaý kezinde, biznes pen azamattar úshin karantin shekteýin engizý barysynda óte mańyzdy», - dedi Qasym-Jomart Toqaev.
