Salyq jáne keden salasyndaǵy jemqorlyqty joiý qajet. Munda jemqorlyq jasaýǵa múmkindik beretin kúrdeli ári kúmándi resimder bar ekeni jasyryn emes. Tipti, memlekettik mekemeniń bir másele boiynsha óz qalaýymen túrli sheshim qabyldaýyna jol berilgen. Bul týraly QR Prezidenti Qasym-Jomart Toqaevtyń sybailas jemqorlyqqa qarsy is-qimyl jónindegi keńeste sóilegen sózinde aitty, dep habarlaidy QazAqparat.
«Erkin ekonomikalyq aimaqta satylatyn ónimge qosymsha qun salyǵy salynbaidy. Biraq, jemqorlar taýardy qaǵaz júzinde ǵana kórsetip, jeńildikti salyqtan jaltarý úshin paidalanyp júr. Túitkildi sheshý – Qarjy ministrliginiń tikelei mindeti.
Keden salasyndaǵy máselelerge bólek toqtalaiyn. Men buǵan deiin kedennen túsetin tabysty arttyrý týraly birneshe ret tapsyrma berdim. Ondaǵy kóleńkeli ainalymnyń aýqymy orasan zor. Qarjy ministrligi bul baǵytta naqty jumys atqarýda. Elektrondy deklaratsiia jáne táýekelderdi basqarý júiesin engizip, túrli aqparattyq bazalardy biriktirip jatyr. Quqyq qorǵaý organdary kedenniń tóńiregindegi qylmystyq toptardy anyqtap, tergeý júrgizýde. Degenmen, bul jumys nátije bermei otyr», - dedi Memleket basshysy.
